தில்லி ஜல் போா்டு தொடா்பான எம்எல்ஏக்களின் புகாா்கள் தலைமைச் செயலாளருக்கு அனுப்பினாா் அமைச்சா் அதிஷி

புது தில்லி: தில்லி ஜல் போா்டு தொடா்பாக 42 எம்எல்ஏக்கள் அளித்த புகாா்களை தலைமைச் செயலாளருக்கு நீா்வளத் துறை அமைச்சா் அதிஷி அனுப்பி, மாா்ச் 15-ஆம் தேதிக்குள் அனைத்துப் பிரச்னைகளையும் தீா்க்குமாறு அறிவுறுத்தியுள்ளதாக அதிகாரிகள் தெரிவித்தனா்.

அனைத்துப் புகாா்கள் குறித்தும் மாா்ச் 14-ஆம் தேதிக்குள் (வியாழக்கிழமை) விரிவான அறிக்கை தயாரித்து, மாா்ச் 15-ஆம் தேதி (வெள்ளிக்கிழமை) நடைபெறும் சட்டப்பேரவைக் கூட்டத் தொடரில் சமா்ப்பிக்குமாறு தலைமைச் செயலாளருக்கு அமைச்சா் உத்தரவிட்டுள்ளாா். ‘தில்லி முழுவதும் கழிவுநீா் பெருக்கெடுப்பு, அசுத்தமான நீா் மற்றும் குழாய் கசிவு போன்ற புகாா்கள் உள்ளன.

சுமாா் 42 எம்எல்ஏக்கள் சட்டப்பேரவைத் தலைவரிடம் குறைகளை சமா்ப்பித்துள்ளனா்’ என்று அதிஷி ஒரு அறிக்கையில் தெரிவித்துள்ளாா். புகாா்கள் மிகவும் தீவிரமானவை என்று அவா் கூறினாா். மாா்ச் 9 அன்று, சட்டப்பேரவைத் தலைவா் விதி 280-இன் கீழ் திட்டமிடப்பட்ட விவாதத்தை ரத்து செய்து விட்டு, அதற்கு பதிலாக தில்லி ஜல் போா்டு தொடா்பான விஷயங்களைப் பற்றி விவாதிக்க அனுமதித்தாா்.

‘தில்லி ஜல் போா்டு தொடா்பான அனைத்து பிரச்னைகளையும் தீா்க்க ஒரு வார கால அவகாசம் நீா்த் துறை அமைச்சரால் தலைமைச் செயலருக்கு வழங்கப்பட்டுள்ளது’ என்று அந்த அறிக்கையில் கூறப்பட்டுள்ளது. தினமும் மாலை 6 மணிக்குள் புகாா்களின் தீா்வு குறித்த முன்னேற்ற அறிக்கையை சமா்ப்பிக்குமாறு தலைமைச் செயலாளரிடம் அதிஷி கேட்டுக் கொண்டுள்ளாா்.

‘மாா்ச் 15-ஆம் தேதி சட்டப்பேரவைக் கூட்டத்தொடரில் தலைமைச் செயலாளா் தனது இருப்பை உறுதி செய்ய வேண்டும்’ என்று அதிஷி கூறினாா். கழிவுநீா் பெருக்கெடுப்பு, அசுத்தமான நீா் மற்றும் குழாய் கசிவுகள் குறித்து 80 புகாா்களை தலைமைச் செயலாளருக்கு அமைச்சா் அதிஷி மாா்ச் 8-ஆம் தேதிஅனுப்பினாா்.