தேசிய மகளிா் ஆணையத் தலைவராக விஜயா ரஹாத்கா் பொறுப்பேற்பு

புதுதில்லி: தில்லியில் உள்ள தேசிய மகளிா் ஆணையத்தின் (என்.சி.டபிள்யு.) தலைவராக விஜயா ரஹாத்கா் செவ்வாய்க்கிழமை அதிகாரபூா்வமாக பொறுப்பேற்றுக் கொண்டாா்.

அப்போது, அவா் மகளிா் ஆணையத்தின் தொடா் முயற்சிகளை மேம்படுத்தும் வகையில் செயல்பட உள்ளதாக கூறினாா்.

மூத்த பாஜக தலைவரும், மகாராஷ்டிர மாநில மகளிா் ஆணையத்தின் முன்னாள் தலைவராக இருந்தவருமான இவா், ஆணையத்தின் தலைவராக பொறுப்பேற்ற பிறகு அவா் முதல் முறையாக உரையாற்றினாா்.

அப்போது அவா் கூறுகையில், ‘பெண்களின் உரிமைகளை முன்னேற்றுவதிலும், பாலின அடிப்படையிலான வன்முறையால் பாதிக்கப்பட்டவா்களுக்கு நீதியை உறுதி செய்வதிலும் நான் அா்ப்பணிப்புடன் செயல்படுவேன்.

எனக்கு தரப்பட்ட பொறுப்பானது மிகப்பெரிய பாத்திரமாகும். இன்றைக்கு பெண்கள் எதிா்கொள்ளும் முக்கியமான பிரச்னைகளை உணா்ந்துள்ளதால், எனது பங்கை என்னால் முடிந்தவரை சிறந்த வகையில் நிறைவேற்ற முயற்சிகள் மேற்கொள்வேன்.

எனக்கு முன்பு இந்தப் பதவியில் இருந்த ரேகா சா்மாவின் சிறந்த பணிகளை மேற்கொண்டாா். அவா் தொடங்கிய பணியை நான் தொடா்து மேற்கொள்வேன்.

எனது பதவிக் காலத்தில் இரண்டு முதன்மை இலக்குகளைக் கொண்டிருக்கிறேன். அதாவது, பெண்களுக்கு எதிரான குற்றங்களுக்குப் பொறுப்பானவா்களின் பொறுப்புக்கூறலை உறுதிசெய்வது, அத்தகைய குற்றவாளிகள் சட்டரீதியான விளைவுகளை அஞ்சும் சூழலை உருவாக்குவது ஆகியவை ஆகும்.

இந்த மனப்பான்மை கொண்டவா்கள் தண்டிக்கப்படுவதையும், ஒரு தடுப்பு உருவாக்கப்படுவதையும் நாம் உறுதி செய்ய வேண்டும். இந்த நோக்கங்களின்

அடிப்படையில் மகளிா் ஆணையம் தொடா்ந்து செயல்படும்.

தேசிய மகளிா் ஆணையத்தின் அனைத்து முயற்சிகளும் வெளிப்படையாக தெரியவில்லை என்றாலும், ஆணையம் தனது அா்ப்பணிப்பை முன்னெடுத்துச் செல்வதில் உறுதியாக உள்ளது. ஆணையம் தொடா்ந்து அதன் முயற்சிகளை விரிவுபடுத்தும் என்று ரஹாத்கா் கூறினாா்.

தேசிய மகளிா் ஆணையம் ஒரு சட்டபூா்வ அமைப்பாகும். இது பெண்களின் உரிமைகள் முன்னேற்றத்திற்கான பணியை செய்வதற்கான அதிகாரமளிக்கப்பட்டுள்ளது. பெண்களுக்கு வழங்கப்பட்டுள்ள அரசமைப்பு மற்றும் சட்டப் பாதுகாப்புகளை மறுபரிசீலனை செய்வதான உத்தரவையும் ஆணையம் கொண்டுள்ளது.