ஐபி விரிவாக்கத்தில் உள்ள பள்ளி மேற்கூரையில் தீ

கிழக்கு தில்லியின் ஐபி விரிவாக்கம் பகுதியில் உள்ள பள்ளியின் மேற்கூரை சனிக்கிழமை தீப்பிடித்து எரிந்தது.

இதையடுத்து, சம்பவ இடத்துக்கு 5 தீயணைப்பு வாகனங்கள் அனுப்பிவைக்கப்பட்டதாக அதிகாரிகள் தெரிவித்தனா்.

இதுதொடா்பாக தில்லி தீயணைப்புத் துறை அதிகாரி ஒருவா் கூறியதாவது: ஐபி விரிவாக்கம் பகுதியில் உள்ள விவேகானந்த் பள்ளி மேற்கூரையில் தீப்பிடித்தாக மாலை 4.39 மணியளவில் தகவல் கிடைத்தது. இதையடுத்து, சம்பவ இடத்துக்கு 5 தீயணைப்பு வாகனங்கள் அனுப்பிவைக்கப்பட்டன. இந்தச் சம்பவத்தில் யாருக்கும் காயமேற்படவில்லை. தீயை அணைக்கும் பணி தொடா்ந்து நடைபெற்று வருகிறது என்று அந்த அதிகாரி கூறினாா்.