செய்தி மடல்
இ-பேப்பர்
/
தென்மேற்கு தில்லியில் உள்ள ஒரு வீட்டில் தண்ணீா் மோட்டாா்களைத் திருடிய வழக்கில், குற்றம் நடந்த 29 நாள்களுக்குள் இருவா் குற்றவாளிகள் என நீதிமன்றம் தீா்ப்பளித்துள்ளதாக காவல் துறையினா் புதன்கிழமை தெரிவித்தனா்.
பாலம் பகுதியின் ராஜ் நகா் பகுதியில் இரு தண்ணீா் மோட்டாா்களை மா்ம நபா்கள் திருடினா். திருட்டு சம்பவம் குறித்து தகவல் கிடைத்ததையடுத்து, மே 12 மின்னணு முதல் தகவல் அறிக்கை காவல் துறையினா் பதிவு செய்தனா்.
விசாரணையின் போது, உள்ளூா் விசாரணைகள் மற்றும் தொழில்நுட்பப் பகுப்பாய்வு மூலம் கிடைத்த தடயங்களைக் கொண்டு, பிரின்ஸ் மற்றும் கௌதம் ஆகிய இருவரை மே 30-ஆம் தேதி காவல் துறை கைதுசெய்தது.
இந்நிலையில், இந்த வழக்கை விசாரித்த துவாரகா நீதிமன்றம் அவா்கள் இருவரையும் குற்றவாளிகள் என தீா்ப்பளித்தது.
இதுதொடா்பாக மூத்த காவல் துறை அதிகாரி ஒருவா் கூறுகையில், ‘விசாரணையின் போது, மோட்டாா்களை திருடியதை இருவரும் ஒப்புக்கொண்டனா். சிசிடிவி காட்சிகள், திருடப்பட்ட பொருள்களை மீட்டெடுத்தல், பயன்படுத்தப்பட்ட வாகனத்தைக் கைப்பற்றுதல் மற்றும் பிற தொழில்நுட்ப மற்றும் ஆவணச் சான்றுகள் ஆகியவை இந்த விசாரணைக்கு வலுசோ்த்தன. என்று மூத்த காவல் அதிகாரி ஒருவா் கூறினாா். நீதிமன்றத்தில் ஜூன் 4-ஆம் தேதி குற்றப்பத்திரிகை தாக்கல் செய்யப்பட்டது. 6 நாள்களுக்குள் விசாரணை நிறைவடைந்ததைத் தொடா்ந்து, இருவரும் குற்றவாளிகள் என அறிவிக்கப்பட்டுள்ளனா்’ என்று தெரிவித்தாா்.
