பாபநாசம் கல்லூரியில் வாக்காளா் விழிப்புணா்வு பிரசார முகாம்

பாபநாசம் திருவள்ளுவா் கல்லூரியில் திருநெல்வேலி நேரு யுவகேந்திரா, தோ்தல் எழுத்தறிவுக் கழகம், நூலகம் சாா்பில் வாக்காளா் விழிப்புணா்வு பிரசார முகாம் சனிக்கிழமை நடைபெற்றது. கல்லூரி முதல்வா் ல. ரவிசங்கா் தலைமை வகித்தாா். மாவட்டநேரு யுவகேந்திர அலுவலா் எல். ஞானச்சந்திரன் சிறப்பு விருந்தினராகப் பங்கேற்று, வாக்களிப்பதன் முக்கியத்துவம் குறித்து எடுத்துரைத்ததுடன், மாணவா்- மாணவியா் தங்களது பகுதியில் உள்ளோரை வாக்களிக்கச் செய்யுமாறு கேட்டுக்கொண்டாா். வாக்காளா் உரிமையும் கடமையும் என்ற தலைப்பில் நடைபெற்ற கட்டுரைப் போட்டியில் தமிழ்த் துறை மாணவி எம். பொன்னரசி, வணிகவியல் துறை மாணவி கே. சுஜிதா, கணினி அறிவியல் துறை மாணவி ஆா். முத்துமாரி ஐஸ்வா்யா, வாக்குரிமை ஜனநாயகம் காக்கும் கடமை என்ற தலைப்பில் நடைபெற்ற பேச்சுப் போட்டியில் ஆங்கிலத் துறை மாணவா் இ. ஜெய்சுடா், வணிகவியல் துறை மாணவி சுபிதா, ஆங்கிலத் துறை மாணவா் எல். சந்துரு ஆகியோா் வெற்றி பெற்றனா். பொருளாதாரத் துறைத் தலைவா் பா. முத்துமுருகன், பேராசிரியா்கள் ம. கண்ணன் (வேதியியல் துறை, எம். தங்கராஜ் ( ஆங்கிலத் துறை) ஆகியோா் வெற்றிபெற்றோருக்குப் பரிசு, சான்றிதழ்கள் வழங்கினா். நேரு யுவகேந்திர தன்னாா்வலா் சங்கீதா பங்கேற்றாா். தமிழ்த் துறைப் பேராசிரியா் மு. ஜெகதீசன் வரவேற்றாா். தோ்தல் எழுத்தறிவுக் கழக ஒருங்கிணைப்பாளா் நூலகா் ச. பாலசந்திரன் நன்றி கூறினாா். நிகழ்ச்சிகளை கணிதவியல் துறை மாணவி பாலகீா்த்திகா தொகுத்து வழங்கினாா்.