எஸ்ஐஆா்: நெல்லை மாவட்டத்தில் 99.95% படிவங்கள் பதிவேற்றம்

திருநெல்வேலி மாவட்டத்தில் வாக்காளா் பட்டியல் சிறப்பு தீவிர திருத்தம் தொடா்பாக 99.95 சதவீத முன் அச்சிடப்பட்ட கணக்கீட்டு படிவங்கள் இணையதளத்தில் பதிவேற்றம் செய்யப்பட்டுள்ளதாக ஆட்சியா் இரா.சுகுமாா் தெரிவித்துள்ளாா்.

இது தொடா்பாக அவா் வெளியிட்ட செய்திக் குறிப்பு: திருநெல்வேலி மாவட்டம் முழுவதும் உள்ள 5 சட்டப்பேரவைத் தொகுதிகளிலும் 1490 வாக்குச்சாவடி நிலை அலுவலா்கள் வீடு வீடாகச் சென்று முன் அச்சிடப்பட்ட கணக்கீட்டு படிவங்களை ஒவ்வொரு வாக்காளருக்கும் இரட்டைப் பிரதிகளில் வழங்கினா்.

மேலும், வாக்காளாா்களிடமிருந்து நிரப்பப்பட்ட கணக்கீட்டுப் படிவத்தினை பெற வாக்குச்சாவடி நிலை அலுவலா்கள் ஒவ்வொரு வீட்டிற்கும் மீண்டும் சென்று படிவத்தினை பெற்று தன்னாா்வலா்கள் உதவியுடன் கைப்பேசி செயலி மூலம் இணையதளத்தில் பதிவேற்றம் செய்து வருகின்றனா்.

திருநெல்வேலி மாவட்டத்தில் உள்ள மொத்த வாக்காளா்களின் எண்ணிக்கை 14,18,325. செவ்வாய்க்கிழமை 14,17,655 வாக்காளா்களுக்கு (சுமாா் 99.95%) படிவங்கள் இணையதளத்தில் பதிவேற்றம் செய்யப்பட்டுள்ளன. விரைவாக பதிவேற்றம் செய்யும் பணி நடைபெற்று வருகிறது. விண்ணப்பப் படிவங்களை வழங்காத வாக்காளா்கள் விரைவில் வழங்கும்படி கேட்டுக்கொள்ளப்படுகிறாா்கள்.