மது விற்பனை: இருவா் கைது

மேலப்பாளையத்தில் விதிமுறை மீறி மதுபான பாட்டில்களை விற்பனை செய்ததாக, இருவரை போலீஸாா் கைது செய்தனா்.

மேலப்பாளையம் முல்லைநகா் பகுதியில் மேலப்பாளையம் காவல் உதவி ஆய்வாளா் மதாா்கான் மற்றும் போலீஸாா் ரோந்து சென்றனா்.

அப்போது, அங்கு மதுபான பாட்டில்களை பதுக்கி வைத்து கூடுதல் விலைக்கு விற்றதாக அப்பகுதியைச் சோ்ந்த முருகன் மகன் ஈஸ்வரன் (35), புதுக்குளம் பகுதியைச் சோ்ந்த சீனிவாசன் மகன் வானுமாமலை (38) ஆகியோரை கைது செய்தனா். மேலும், அவா்களிடமிருந்து 28 மதுபாட்டில்களை போலீஸாா் பறிமுதல் செய்தனா்.