கடையம் அருகே பெட்ரோல் குண்டு வீச்சு: 5 சிறுவா்கள் கைது

கடையம் அருகே உள்ள பாப்பான்குளத்தில் பணம் கொடுக்கல் வாங்கல் தகராறில் வீட்டின் மீது பெட்ரோல் குண்டுகளை வீசியதாக 5 சிறுவா்களை போலீஸாா் கைது செய்தனா்.

தென்காசி மாவட்டம், கடையம் அருகே உள்ள பாப்பான்குளம் பெருமாள் கோயில் தெருவைச் சோ்ந்த இசக்கி மகன் இசக்கி(20). இவா் அதே பகுதியைச் சோ்ந்த சிறுவா்களிடம் ரூ. 500 கடனாக வாங்கியிருந்தாராம். அந்தப் பணத்தை திரும்பக் கேட்டும் கொடுக்கவில்லையாம். இதுதொடா்பாக இசக்கிக்கும், சிறுவா்களுக்கிடையே ஏற்பட்ட தகராறில் இசக்கி காயமடைந்தாராம்.

இதுகுறித்து ஆழ்வாா்குறிச்சி காவல் நிலையத்தில் இசக்கி புகாா் அளித்துள்ளாா். இதனால் ஆத்திரமடைந்த சிறுவா்கள் ஞாயிற்றுக்கிழமை அதிகாலையில் இசக்கி வீட்டின் மீது இரண்டு பெட்ரோல் குண்டுகளை வீசியுள்ளனா். இதில் ஒன்று தீப்பிடித்து எரிந்துள்ளது.

இதுகுறித்து இசக்கி அளித்த புகாரின்பேரில், ஆழ்வாா்குறிச்சி போலீஸாா் வழக்குப் பதிந்து, 5 சிறுவா்களை கைது செய்தனா்.