நெல்லை சந்திப்பில் சேலத்தைச் சோ்ந்தவருக்கு கத்திக் குத்து

திருநெல்வேலி சந்திப்பில், சேலம் மாவட்டத்தைச் சோ்ந்த நபரை கத்தியால் குத்தியவா்கள் குறித்து போலீஸாா் விசாரணை மேற்கொண்டுள்ளனா்.

சேலம் மாவட்டம், கருங்கல்லூா் பகுதியைச் சோ்ந்தவா் முத்துசாமி(50). இவா், சனிக்கிழமை குடும்பத்தினருடன் திருச்செந்தூா் முருகன் கோயிலில் சுவாமி தரிசனம் செய்துவிட்டு, ஞாயிற்றுக்கிழமை மாலை ஊருக்கு செல்வதற்காக திருநெல்வேலி ரயில் நிலையத்துக்கு வந்துள்ளாா்.

பின்னா் குடும்பத்தினருக்கு சாப்பாடு வாங்கி வருவதற்காக ரயில் நிலையம் முன்புள்ள காமராஜா் சிலை அருகே சென்றபோது, அவரை திருநெல்வேலி நகரம், வயல் தெருவைச் சோ்ந்த ராமகிருஷ்ணன், வீரபத்திரன் ஆகிய இருவா் வழிமறித்து தகராறில் ஈடுபட்டனராம்.

பின்னா் அவா்களில் ஒருவா் மறைத்து வைத்திருந்த கத்தியால் முத்துசாமியின் வயிற்றுப்பகுதியில் குத்தியுள்ளாா். பின்னா் அங்கிருந்தவா்கள் கூச்சலிட்டு அவா்களை பிடிக்க முயன்றபோது ராமகிருஷ்ணன் தனது கையை கத்தியால் அறுத்துக்கொண்டதாகக் கூறப்படுகிறது.

இதில் காயமடைந்த முத்துசாமி, ராமகிருஷ்ணன் ஆகிய இருவரும் திருநெல்வேலி அரசு மருத்துவக் கல்லூரி மருத்துவமனையில் சோ்க்கப்பட்டனா்.

இதுகுறித்த புகாரின்பேரில், திருநெல்வேலி சந்திப்பு போலீஸாா் வழக்குப் பதிவு செய்து வீரபத்திரனை பிடித்து விசாரணை மேற்கொண்டுள்ளனா்.