அரசுமூடு அம்மன் கோவில் விழாநாளை தொடக்கம்

களியக்காவிளை அருகேயுள்ள திருத்துவபுரம், காட்டுக்குளம் அரசுமூடு அம்மன் கோவில் விழா செவ்வாய்க்கிழமை (மே 14) தொடங்கி 7 நாள்கள் நடைபெறுகிறது.

 நாள்தோறும் காலையில் கணபதி ஹோமம், சிறப்பு பூஜைகள், நண்பகலில் அன்னதானம், கலைநிகழ்ச்சிகள் நடைபெறுகின்றன.

 முதல்நாள் இரவு 8.30 மணிக்கு பிரேமலதா கோபி தலைமையில் மகளிர் சமய மாநாடு, 4-ம் நாள் விழாவில் (மே 17) மாலை 6 மணிக்கு திருவிளக்கு பூஜை, 5-ம் நாள் விழாவில் காலை 9 மணிக்கு சமய வகுப்பு மாணவர்-மாணவிகளின்  பண்பாட்டுப் போட்டிகள், 6-ம் நாள் விழாவில் இரவு 7.30 மணிக்கு சமய மாநாடு நடைபெறும்.

 மே 20-ம் தேதி காலையில் மிருத்யுஞ்சய ஹோமம், சுதர்ஸன ஹோமம், திலஹோமம், சூக்தஹோமம் உள்ளிட்டவையும், காலை 10 மணிக்கு பொங்காலை வழிபாடும், தொடர்ந்து கலசபூஜை, நாகரூட்டு பூஜை, இரவு 10.30 மணிக்கு குருசி பூஜை நடைபெறும்.