தக்கலை பள்ளியில் இருபெரும் விழா

தமிழ்நாடு அறிவியல் இயக்க மாநில மாநாட்டையொட்டி, தக்கலை அரசு மேல்நிலைப் பள்ளியில் மரக்கன்று நடுவிழா, நல்லாசிரியரை கௌரவித்தல் ஆகிய இருபெரும் விழா நடைபெற்து.

 நிகழ்ச்சிக்கு,  நல்லாசிரியர் விருது பெற்ற தலைமை ஆசிரியர் பிரபகுமார் தலைமை வகித்தார்.

நல்லாசிரியர் விருது பெற்ற  தக்கலை அரசு மேல்நிலைப் பள்ளித் தலைமை ஆசிரியர் சிம்சனுக்கு, கவிஞர் அரங்கசாமி பொன்னாடை அணிவித்து கௌரவித்தார். அது போல்  அரசு முஸ்லிம் தொடக்கப் பள்ளித்  தலைமை ஆசிரியர் ஜலிலாவுக்கு பொன்னாடை அணிவித்து கௌரவிக்கப்பட்டது.

தொடர்ந்து, தக்கலை அரசு  தொடக்க பள்ளியில் மரக்கன்றுகள் நடப்பட்டன. நல்லாசிரியர் விருது பெற்ற பிரபகுமாருக்கு பொன்னாடை அணிவித்து கௌரவிக்கப்பட்டது.

நிகழ்ச்சியில் ஓய்வுபெற்ற தலைமை ஆசிரியர் முரளீதரன், நூருல் இஸ்லாம் பல்கலைக்கழக பேராசிரியர் கோபாலகிருஷ்ணன் உள்பட பலர் பங்கேற்றனர்.