குலசேகரம் பகுதியில் சூறைக்காற்று ஆயிரக்கணக்கான வாழை, ரப்பர் மரங்கள் சாய்ந்தன

குமரி மாவட்டம், குலசேகரம் அருகே வீசிய சூறைக்காற்றில் ஆயிரக்கணக்கான வாழை, ரப்பர் மரங்கள் சாய்ந்தன.

குலசேகரம், திற்பரப்பு, பேச்சிப்பாறை பகுதிகளில் பிற்பகலில் சூறைக்காற்றுடன் பலத்த மழை பெய்தது. இந்த மழையில் திற்பரப்பு பேரூராட்சிக்குள்பட்ட  தும்பகோடு வருவாய் கிராமப் பகுதிக்குள்பட்ட உண்ணியூர்கோணம், விலவூர்கோணம்,  பிணந்தோடு, சூரியகோடு, அஞ்சுகண்டறை உள்ளிட்ட பகுதிகளில் ஆயிரக்கணக்கான வாழைகள், ரப்பர் மரங்கள் சாய்ந்தன. இதனால் விவசாயிகள் கடும் பாதிப்பிற்குள்ளாகியுள்ளனர்.