ஓய்வூதியர்கள் ஒருங்கிணைப்புக் குழு நிர்வாகிகள் சிறப்புக் கூட்டம்

அனைத்து ஓய்வூதியர் சங்கங்களின் ஒருங்கிணைப்புக் குழு சார்பில் ஓய்வூதியர் தின சிறப்புக் கூட்டம் நாகர்கோவில் தமிழ்நாடு அரசு ஊழியர் சங்க அரங்கில் செவ்வாய்க்கிழமை நடைபெற்றது.
ஒருங்கிணைப்புக் குழு மாவட்டத் தலைவர் பி.ராஜநாயகம் தலைமை வகித்தார். மாவட்டச் செயலர் சி.எம்.ஐவின் வரவேற்றார். தமிழ்நாடு அரசு ஓய்வூதியர் சங்க மாநில பொதுச் செயலர் பி.கிருஷ்ணமூர்த்தி சிறப்புரையாற்றினார். 
டிஎன்இபிடபிள்யூஓ மாநில துணைத் தலைவர் வி.ஜெயராமன், தமிழ்நாடு அரசு போக்குவரத்து ஓய்வுபெற்றோர் நல அமைப்பின் மாநில உதவிச் செயலர் எம்.சுந்தர் ராஜ், தமிழ்நாடு ஓய்வுபெற்ற ஆசிரியர் சங்க மாநில அட்ஹாக் கமிட்டி உறுப்பினர் டி.ஆதித்தன், ஏஐபிஆர்பிஏ ஆலோசகர் எஸ்.சுப்பிரமணியன் ஆகியோர் பேசினர்.  ஏஐபிடிபிஏ மாவட்டச் செயலர் எ.மீனாட்சி சுந்தரம் நன்றி கூறினார். 
இதில், ஞானாசீர்வாதம், பி.அல்போன்ஸ், ஆர்.பிரான்சிஸ், டி.செல்வராஜ், சி.அய்யப்பன் பிள்ளை, எஸ்.பாலசுந்தர ராஜ், எஸ்.ராமச்சந்திரன், கே.சாகுல் ஹமீது, சந்திரகாந்த், அமல்ராஜ், ஜெயச்சந்திரன், குழந்தைசாமி உள்பட  பலர்  கலந்து கொண்டனர்.