இந்து முன்னணி செயற்குழுக் கூட்டம்

குமரி மாவட்ட இந்து முன்னணி செயற்குழுக் கூட்டம் மாவட்டத் தலைவர் மிசா சோமன் தலைமையில் நாகர்கோவிலில் நடைபெற்றது.
மாவட்டப் பொதுச் செயலர் ஆர்.கே.கண்ணன் முன்னிலை வகித்தார்.  மாநிலப் பொதுச் செயலர் த. அரசுராஜா சிறப்பு விருந்தினராக கலந்துகொண்டு பேசினார். அரசே ஆலயத்தை விட்டு வெளியேறு, ஆலய தரிசன கட்டணத்தை ரத்து செய் என்ற கோரிக்கையை வலியுறுத்தி,  ஜூலை  29ஆம் தேதி நடைபெறும் மாநிலம் தழுவிய ஆர்ப்பாட்டத்தை, குமரி மாவட்டத்தில் 10 மையங்களில் நடத்துவது என்பது உள்ளிட்ட தீர்மானங்கள் கூட்டத்தில் நிறைவேற்றப்பட்டன. இதில், மாவட்டச் செயலர் ஆர்.ரவி, மாவட்ட அமைப்பாளர் சங்கர், ஒருங்கிணைப்பாளர் ஏ.நம்பிராஜன், செயற்குழு உறுப்பினர் கிருஷ்ணதாஸ், ஒன்றியத் தலைவர்கள் பெரியசுவாமி,  ராஜேஷ் உள்ளிட்டோர் கலந்துகொண்டனர்.