ஜூன் 11இல் மாற்றுத் திறனாளிகள் குறைதீர் கூட்டம்

நாகர்கோவிலில் மாற்றுத் திறனாளிகளுக்கான சிறப்பு குறைதீர் கூட்டம் திங்கள்கிழமை (ஜூன் 11) நடைபெறுகிறது. 
இதுகுறித்து மாவட்ட ஆட்சியர் பிரசாந்த் மு. வடநேரே வெளியிட்ட செய்திக்குறிப்பு: மாற்றுத் திறனாளிகள் குறைதீர் கூட்டம் மாதந்தோறும் இரண்டாவது திங்கள்கிழமை மாவட்ட ஆட்சியர் தலைமையில் நடைபெறுகிறது. அதன்படி வருகிற 11ஆம் தேதி பிற்பகல் 12.30 மணிக்கு மாவட்ட ஆட்சியர் வளாகத்தில் உள்ள நாஞ்சில் கூட்டரங்கில்  இக்கூட்டம் நடைபெறவுள்ளது. 
இதில், அனைத்து அரசு துறை அலுவலர்களும் கலந்து கொள்கின்றனர். பெறப்படும் மனுக்கள் தொடர்பாக உடனுக்குடன்  நடவடிக்கை மேற்கொள்ளப்படவுள்ளது. மேலும்  அதே நாளில்  மனுக்களை மாவட்ட ஆட்சியர் வளாகத்தில் அமைந்துள்ள மாவட்ட மாற்றுத் திறனாளிகள் நல அலுவலகத்தில் ஆன்லைன் மூலம் பதிவு செய்யவும் முடியும். எனவே மாற்றுத் திறனாளிகள் இந்த வாய்ப்பை பயன்படுத்திக்கொள்ள வேண்டும் என செய்திக்குறிப்பில் தெரிவிக்கப்பட்டுள்ளது.