மார்த்தாண்டத்தில் புகைப்படம், வீடியோ கலைஞர்கள் நலச் சங்க கூட்டம்

மார்த்தாண்டத்தில் செவ்வாய்க்கிழமை புகைப்படம் மற்றும் வீடியோ கலைஞர்கள் நலச்சங்க கூட்டம் நடைபெற்றது.
இந்தக் கூட்டத்துக்கு  சங்கத் தலைவர் கிறிஸ்டோபர் தலைமை வகித்தார்.செயலர் வெற்றிவேந்தன் முன்னிலை வகித்தார்.
கூட்டத்தில், "ஏப். 10ஆம் தேதி நடைபெறும் சங்கத்தின் புதிய கட்டட திறப்புவிழாவில் அனைத்து உறுப்பினர்களும் பங்கேற்பது; சங்கத்தின் உறுப்பினர்கள் கட்டட நிதி மற்றும் சந்தாவை உடனடியாக செலுத்துவது' என்பன உள்ளிட்ட பல்வேறு தீர்மானங்கள் நிறைவேற்றப்பட்டன. இதில்,பொருளர் ராஜேஷ்,துணைச் செயலர் ரமேஷ்,செயற்குழு உறுப்பினர்கள் ஜார்ஜ்,சந்தோஷ்,ஜான் உள்ளிட்ட உறுப்பினர்கள் பலர் பங்கேற்றனர்.துணைத்தலைவர் நாகராஜன நன்றி கூறினார்.