குமரியில் இயல்பு நிலை திரும்பியது:படகு சேவை தொடக்கம்

புரெவி புயலின் தாக்கம் குறைந்த நிலையில் சுற்றுலாத் தலமான கன்னியாகுமரி விவேகானந்தா் மண்டபத்துக்கு சுற்றுலாப் படகுகள் ஞாயிற்றுக்கிழமை இயக்கப்பட்டன.

தென்கிழக்கு வங்கக் கடலில் உருவான புரெவி புயல் முன்னெச்சரிக்கை நடவடிக்கையாக சுற்றுலாத் தலமான கன்னியாகுமரியில் படகுசேவை தற்காலிகமாக நிறுத்தி வைக்கப்பட்டிருந்தது. சுற்றுலாப் பயணிகள் வருகைக்கும் தடை விதிக்கப்பட்டதால், நான்கு நாள்களாக வெறிச்சோடி காணப்பட்டது.

இந்நிலையில், புயலின் தாக்கம் குறைந்ததையடுத்து ஞாயிற்றுக்கிழமை காலை 8 மணிக்கு படகுப் போக்குவரத்து தொடங்கி, 4 மணிவரை நடைபெற்றது.