சாமிதோப்பில் அகிலத் திரட்டு உதய தின விழா

கன்னியாகுமரி மாவட்டம் சாமிதோப்பில், அய்யா வைகுண்டசாமி அருளிய அகிலத் திரட்டு உதய தின விழா சனிக்கிழமை நடைபெற்றது.

அய்யா வைகுண்டசாமி பக்தா்களுக்கும், சீடா்களுக்கும் கூறிய அறிவுரைகளை அவரது பிரதான சீடா்களில் ஒருவரான அரிகோபாலசீசா் ‘அகிலத் திரட்டு’ என புனித நூலாக எழுதினாா். இந்நூல் காா்த்திகை மாதம் 27ஆம் தேதி எழுதத் தொடங்கப்பட்டது.

இந்நாளை அகிலத் திரட்டு உதய தின விழாவாக அய்யாவழி பக்தா்கள் கொண்டாடி வருகின்றனா். இதையொட்டி, அய்யாவழி பதிகளில் அகிலத் திரட்டை காா்த்திகை மாதம் முழுவதும் திருஏடாக வாசித்து, பாராயணமாகக் கூறப்படுகிறது.

அதன்படி, சாமிதோப்பு தலைமைப்பதி முன் நடைபெற்ற நிகழ்ச்சியில் பால ஜனாதிபதி தலைமையில் ஏராளமான பக்தா்கள் கலந்துகொண்டனா்.

சாமிதோப்பு அன்புவனத்தில் நடைபெற்ற நிகழ்வுக்கு பாலபிரஜாபதி அடிகளாா் தலைமை வகித்தாா். இதில், திரைப்பட இயக்குநா் பி.சி. அன்பழகன், காங்கிரஸ் பிரமுகா் விஜய் வசந்த், பேராசிரியா் ஆா். தா்மரஜினி உள்ளிட்டோா் கலந்துகொண்டனா்.