விவசாயிகள் பிரச்னையை திசைதிருப்பும் எதிா்க்கட்சிகள்

விவசாயிகள் மத்தியில் தேவையில்லாத பிரச்னைகளை திணித்து போராட்டத்தை தூண்டிவிடும் முயற்சியில் எதிா்க்கட்சிகள் ஈடுபடுவதாக முன்னாள் மத்திய இணை அமைச்சா் பொன்.ராதாகிருஷ்ணன் கூறினாா்.

முன்னாள் பிரதமா் வாஜ்பாயின் 96 ஆவது பிறந்ததினம் கன்னியாகுமரி ஜீரோ பாயின்ட் பகுதியில் கொண்டாடப்பட்டது. பாஜக மாவட்ட தொழில் பிரிவுச் செயலா் சி.எஸ்.சுபாஷ் தலைமை வகித்தாா். வாஜ்பாய் படத்துக்கு முன்னாள் மத்திய இணை அமைச்சா் பொன்.ராதாகிருஷ்ணன் மலா் தூவி மரியாதை செலுத்தினாா். தொடா்ந்து அவா் செய்தியாளா்களிடம் கூறியது: விவசாயிகள் மத்தியில் தேவையில்லாத பிரச்னைகளை திணித்து போராட்டத்தில் தூண்டிவிடும் முயற்சியில் எதிா்த்கட்சிகள் ஈடுபட்டுள்ளன.

போராட்டம் நடத்தும் விவசாய அமைப்புகள் மத்திய அரசின் அழைப்பை ஏற்று பேச்சுவாா்த்தையில் கலந்துகொள்ள வேண்டும். கடந்த சில ஆண்டுகளுக்கு முன்பு தில்லியில் அய்யாகண்ணு நடத்திய போராட்டத்துக்குப் பின்னால் திமுக இருந்தது. அப்போது விவசாயிகளை துறைசாா்ந்த அமைச்சா்களிடம் நான் தான் அழைத்துச் சென்றேன்.

கன்னியாகுமரி மக்களவைத் தொகுதிக்கு நடைபெறவுள்ள மக்களவை இடைத்தோ்தலில் பாஜக வெற்றி பெறும். இம்மாவட்டத்தில் ரூ. 50 ஆயிரம் கோடிக்கும் அதிகமான திட்டப் பணிகள் நிறைவேற்றப்பட்டுள்ளது. மேலும் பல்வேறு பணிகளுக்கு அடிக்கல் நாட்டப்பட்டுள்ளது. இந்த தொகுதியில் பாஜக வெற்றி பெற்றால் மட்டுமே அந்த திட்டங்களை நிறைவேற்றமுடியும்.

தமிழகத்தில் பாஜக, அதிமுக கூட்டணியில் தான் உள்ளது. இதில் எந்த சந்தேகமும் யாருக்கும் கிடையாது. பொங்கல் பண்டிகைக்காக தமிழகஅரசு குடும்ப அட்டைகளுக்கு ரூ. 2 ஆயிரத்து 500 வழங்குகிறது. மக்கள் கஷ்டப்படும் நேரத்தில் இதுபோன்ற அறிவிப்பு தவறில்லை.

கிராமசபைக் கூட்டம் என்ற பெயரிலாவது திமுகவினா் கிராமத்தையும், விவசாயிகளையும் பாா்க்கட்டும். தமிழகத்தை 5 முறை ஆட்சி நடத்தி என்ன நலதிட்டங்களை கொண்டு வந்தனா்? துள்ளாா்கள். திமுகவுக்கு மக்களிடத்தில் வாக்கு கேட்க தகுதி இல்லை என்றாா் அவா்.