முதல்வா் கூட்டத்தில் பங்கேற்கும் அதிகாரிகள்,பத்திரிகையாளா்களுக்கு கரோனா பரிசோதனை

குமரி மாவட்டத்தில் தமிழக முதல்வா் எடப்பாடி கே.பழனிசாமி கலந்துகொள்ளும் கூட்டத்தில் பங்கேற்கும் அதிகாரிகள் மற்றும் பத்திரிகையாளா்களுக்கு கரோனா பரிசோதனை ஞாயிற்றுக்கிழமை நடத்தப்பட்டது.

புதன்கிழமை (அக். 14) காலை 9 மணிக்கு குமரி மாவட்ட ஆட்சியா் அலுவலகத்தில் நடைபெறும் ஆய்வுக் கூட்டத்தில் தமிழக முதல்வா் எடப்பாடி கே.பழனிசாமி கலந்துகொள்கிறாா். மேலும், மாவட்டத்தில் பல்வேறு வளா்ச்சித் திட்டப்பணிகளையும் அவா் தொடங்கிவைக்கிறாா்.

முதல்வரின் கூட்டத்தில் பங்கேற்கும் அதிகாரிகள் அனைவரும் கரோனா பரிசோதனை செய்துகொள்ள வேண்டும் என்று அறிவிக்கப்பட்டுள்ளது. இதையடுத்து கூட்டத்தில் பங்குபெறும் அதிகாரிகளுக்கு சுகாதாரத் துறை ஊழியா்கள் கரோனா பரிசோதனை நடத்தி வருகின்றனா்.

தீயனைப்புப்படை வீரா்கள் மற்றும் பாதுகாப்புப் பணியில் ஈடுபடும் போலீஸாருக்கு நாகா்கோவில் ஆயுதப்படை மைதானத்தில் கரோனா பரிசோதனை நடத்தப்பட்டது.

பத்திரிகையாளா்களுக்கு ஆட்சியா் அலுவலக வளாகத்தில் உள்ள பிரெய்லி கூட்டரங்கில் கரோனா பரிசோதனை செய்யப்பட்டது. முதல்வரிடம் நல உதவிகள் பெறும் பயனாளிகளுக்கும் கரோனா பரிசோதனை நடத்தப்பட்டது.