செவிலியா்களை அரசு பணி நிரந்தம் செய்ய வேண்டும்:திமுக எம்.எல்.ஏ. வலியுறுத்தல்

தமிழகத்தில் ஒப்பந்தம் அடிப்படையில் பணி செய்து வரும் செவிலியா்களை அரசு பணி நிரந்தரம் செய்ய வேண்டும் என மனோ தங்கராஜ் எம்.எல்.ஏ கோரிக்கை விடுத்துள்ளாா்.

இதுகுறித்து அவா் தமிழக சுகாதாரத்துறை செயலாளருக்கு அனுப்பியுள்ள கடித விவரம்: ஒப்பந்த அடிப்படையில் பணியாற்றி வரும் செவிலியா்களை உடனடியாக தமிழக அரசு பணி நிரந்தரம் செய்ய வேண்டும். உலகம் முழுவதும் கரோனா தொற்று

பரவியிருக்கும் இந்த கால கட்டத்தில், ஓய்வின்றி சிகிச்சை அளிப்பதில் அரசு செவிலியா்களின் பங்கு அளப்பரியது. தமிழகத்தை பொறுத்தவரையில் தமிழக மருத்துவ பணியாளா் தோ்வு வாரியம் மூலம் செவிலியா்கள் தோ்வு செய்யப்பட்டு

பணியமா்த்தப்படுகின்றனா்.

தோ்வு வாரியத்தால் 2015இல் சுமாா் 8 ஆயிரத்திற்கும் மேற்பட்டோா் ஒப்பந்தம் அடிப்படையில் செவிலியா்களாக நியமனம்

செய்து பணி ஆணை பிறப்பிக்கப்பட்டது. இதில், முதல் 2 ஆண்டுகள் ஒப்பந்த முறையில் பணியாற்ற வேண்டும் எனவும் அதன் பின்னா் நிரந்தர பணியாளா்களாக நியமிக்கப்படுவா் என அரசு தெரிவித்துள்ளது. பணியில் சோ்ந்து 6 ஆண்டுகளில் 2,300 போ் மட்டுமே பணி நிரந்தரம் செய்யப்பட்டுள்ளனா்.

எஞ்சியுள்ள 5,500 போ் இன்னும் பணிநிரந்தரம் செய்யப்படாமல் ஒப்பந்த முறையில் பணிசெய்து வருகின்றனா். அரசு பணியாளா்களுக்கு நிகராக இவா்கள் அரசு விடுமுறை நாட்களிலும் பணியாற்றி வருகின்றனா். விடுப்பு எடுக்கும் செவிலியா்களுக்கு

ஊதிய பிடித்தமும் செய்யப்பட்டு வருகிறது.

பெண்களுக்கு குறிப்பாக மகப்பேறு விடுப்பு காலத்தில் மொத்த ஊதியமும் பிடித்தம் செய்யப்படுகிறது. நிகழாண்டு மேலும் 4 ஆயிரத்திற்கும் மேற்பட்டோா் மருத்துவப் பணியாளா் தோ்வு வாரியம் மூலம் ஒப்பந்தம் அடிப்படையில் செவிலியா்களாக நியமிக்கப்பட்டுள்ளனா்.

கரோனா காலத்தில் சிகிச்சை அளித்ததில் போதிய பாதுகாப்பு உபகரணங்கள் வழங்கப்படாததால் பலரும் நோய் தொற்றால்

பாதிக்கப்பட்டுள்ளனா். இத்தகைய இக்கட்டான சூழ்நிலையிலும் செவிலியா்கள் மனம் தளராமல் தொடா்ந்து பணியாற்றி

வருகின்றனா். எனவே தமிழக அரசு அவா்களின் பணியை கருத்தில் கொண்டு ஒப்பந்த செவிலியா்கள் அனைவரையும் உடனடியாக கால முறை ஊதியத்துடன் கூடிய பணி நிரந்தரம் வழங்க வேண்டும் எனத் தெரிவிக்கப்பட்டுள்ளது.