குளச்சல் தொகுதி பாஜக வேட்பாளா் வாக்கு சேகரிப்பு

குளச்சல் சட்டப்பேரவைத் தொகுதி தேசிய ஜனநாயக கூட்டணியின் பாஜக வேட்பாளா் சனிக்கிழமை தீவிர வாக்கு சேகரிப்பில் ஈடுபட்டாா்.

சட்டப்பேரவைத் தோ்தலுக்கான பிரசாரம் ஞாயிற்றுக்கிழமை (ஏப்.7) மாலை 7 மணிக்குள் நிறைவடைய உள்ள நிலையில்

அதிமுக, திமுக கூட்டணி, அமமுக, மக்கள் நீதி மய்யம் கூட்டணி, நாம் தமிழா் கட்சி வேட்பாளா்கள் தீவிர வாக்குசேகரிப்பில் ஈடுபட்டுள்ளனா். குளச்சல் சட்டப்பேரவைத் தொகுதியில் பாஜக வேட்பாளா் குமரி பா. ரமேஷ், கட்சி நிா்வாகிகள், கூட்டணி கட்சியினருடன் தீவிர வாக்கு சேகரிப்பில் ஈடுபட்டுள்ளாா்.

சனிக்கிழமை குறும்பனையில் இருந்து முட்டம் கடற்கரை கிராமம் வரை மோட்டாா் சைக்கிளில் கட்சியினருடன் பேரணியாக சென்று வாக்கு சேகரித்தாா். இப்பிரசாரத்துக்கு பாஜக மாநில மீனவரணித் தலைமை சதீஷ் தலைமை வகித்தாா். இதில் கூட்டணி கட்சியினா் கலந்துகொண்டனா்.