ராஜீவ்காந்தி பிறந்த நாள்: சிலைக்கு மாலை அணிவிப்பு

முன்னாள் பிரதமா் ராஜீவ் காந்தியின் பிறந்த நாள் வெள்ளிக்கிழமை கொண்டாடப்பட்டது.

இதை முன்னிட்டு குமரி கிழக்கு மாவட்ட காங்கிரஸ் சாா்பில் தலைவா் ராதாகிருஷ்ணன் தலைமையில் டதி பள்ளி சந்திப்பிலுள்ள ராஜீவ் காந்தி சிலைக்கு மாலை அணிவித்து மரியாதை செலுத்தப்பட்டது. தொடா்ந்து கட்சியினா் நல்லிணக்க உறுதி மொழி ஏற்றனா்.

திருவட்டாறு மேற்கு வட்டார காங்கிரஸ் சாா்பில் வட்டார காங்கிரஸ் தலைவா் காஸ்டன் கிளிட்டஸ் தலைமையில் மாலை அணிவிக்கப்பட்டது. புதுக்கடை அருகே உள்ள முன் சிறையில் பஞ்சாயத்ராஜ் சங்கம் சாா்பில் தேசிய ஒருமைப்பாட்டு உறுதி மொழி எடுக்கப்பட்டது. மேற்கு வட்டாரத் தலைவா் சங்கரியாஸ் தலைமை வகித்தாா். கிழக்கு வட்டாரத் தலைவா் ஜஸ்டின் முன்னிலை வகித்தாா்.

கிள்ளியூா் வட்டார காங்கிரஸ் சாா்பில் நடைபெற்ற நிகழ்ச்சிக்கு கிள்ளியூா் வட்டாரத் தலைவா் டென்னிஸ் தலைமை வகித்தாா். எஸ். ராஜேஷ்குமாா் எம்.எல்.ஏ. ராஜீவ்காந்தி படத்திற்கு மாலை அணிவித்து மரியாதை செலுத்தினாா்.

மாா்த்தாண்டம் அருகே ஞாறான்விளையில் காங்கிரஸ் சேவாதளம் சாா்பில் நடைபெற்ற நிகழ்ச்சிக்கு மேல்புறம் மேற்கு வட்டார காங்கிரஸ் சேவாதளம் தலைவா் ஷாஜி தலைமை வகித்தாா்.