குலசேகரம் அருகே தொழிலாளி கொலை: தாய், மகன் கைது

குலசேகரம் அருகே மது போதையில் வீடு புகுந்து தகராறு செய்த தொழிலாளியை கத்தியால் குத்திக் கொலை செய்ததாக கல்லூரி மாணவரையும், அவரது தாயையும் போலீஸாா் வியாழக்கிழமை கைது செய்தனா்.

குலசேகரம் அருகே தும்பகோடு சானல்கரை பகுதியைச் சோ்ந்தவா் நாகம்மாள் (70). இவரது மகன்கள் ராஜன் (45), சுரேஷ் (43). இவா்களில் ராஜன் வெளிநாட்டில் வேலை செய்து வருகிறாா். சுரேஷ், உள்ளூரில் தொழிலாளியாக உள்ளாா். ஆஸ்துமா உள்ளிட்ட நோய்களால் பாதிக்கப்பட்டிருந்த நாகம்மாள், கடந்த 23 ஆம் தேதி குலசேகரத்தில் நடைபெற்ற முகாமில் தடுப்பூசி போட்டுக்கொண்டாா். இரவில் அவருக்கு மூச்சுத் திணறல் ஏற்பட்டதையடுத்து குலசேகரம் அரசு மருத்துவமனைக்கு கொண்டு செல்லப்பட்டாா். ஆனால், மருத்துவமனைக்கு செல்லும் வழியிலேயே அவா் உயிரிழந்தாா்.

இந்நிலையில், சுரேஷ் தனது வீட்டு அருகே உள்ள அண்ணனின் வீட்டிற்குச் சென்று, தனது அண்ணி விஜிலாவிடம் (38) கடந்த இரண்டு நாள்களாக தகராறில் ஈடுபட்டுள்ளாா். வியாழக்கிழமை இரவும் மது போதையில் சென்று விஜிலா மற்றும் அவரது மகன், மகள்களிடம் தகராறில் ஈடுபட்டுள்ளாா். இதையடுத்து, விஜிலாவின் மகன் பொறியியல் கல்லூரி மாணவரான ஆட்லின் ரிஜாஸ் (19) , கத்தியால் சுரேஷை குத்தியுள்ளாா். இதில் பலத்த காயமடைந்து கீழே விழுந்த அவரை அப்பகுதியிலுள்ளவா்கள் மீட்டு குலசேகரம் அரசு மருத்துவமனையில் அனுமதித்தனா். அங்கு சுரேஷ் உயிரிழந்தாா்.

இது குறித்து தகவலறிந்த தக்கலை டிஎஸ்பி கணேசன் மற்றும் குலசேகரம் போலீஸாா் சம்பவ இடத்திற்கு சென்று விஜிலா, ஆட்லின் ரிஜாஸை கைது செய்தனா். பின்னா் சுரேஷின் சடலத்தை கைப்பற்றி ஆசாரிப்பள்ளம் அரசு மருத்துவக் கல்லூரி மருத்துவமனைக்கு உடற்கூறாய்விற்கு அனுப்பி வைத்தனா்.