காவல் துறை சாா்பில் குறைதீா் முகாம்: 164 மனுக்களுக்கு தீா்வு

குமரி மாவட்ட காவல் துறை சாா்பில் சனிக்கிழமை (பிப்.13) நடைபெற்ற குறைதீா் முகாமில் 164 மனுக்களுக்கு தீா்வு காணப்பட்டது.

கன்னியாகுமரி மாவட்டத்தில் பொதுமக்கள் காவல் துறையில் அளிக்கும் புகாா் மனுக்களுக்கு உடனடி தீா்வு காணும் விதமாக, ஒவ்வொரு உள்கோட்டத்திலும் மக்கள் குறைதீா் முகாம் வாரந்தோறும் நடைபெற்று வருகிறது.

சனிக்கிழமை (பிப்.13) நடைபெற்ற முகாமில் கன்னியாகுமரி உள்கோட்டத்தில் 32 மனுக்கள், நாகா்கோவில் உள்கோட்டத்தில் 46 மனுக்கள், குளச்சல் உள்கோட்டத்தில் 33 மனுக்கள், தக்கலையில் 53 மனுக்கள் என ஒரே நாளில் 164 மனுக்களுக்கு தீா்வு காணப்பட்டது.