பள்ளித் திறப்பு ஏற்பாடுகள்: குமரியில் அதிகாரிகள் ஆய்வு

கன்னியாகுமரி மாவட்டத்தில் அரசு, அரசு உதவி பெறும் உயா்நிலை மேல்நிலைப் பள்ளிகள், மெட்ரிக் பள்ளிகள் என 487 பள்ளிகள் திறக்கப்படுகின்றன.

இப்பள்ளிகளில் 10-ஆம் வகுப்பில் 13,086 மாணவா்கள்,12,533 மாணவிகள் மற்றும் 12-ஆம் வகுப்பில் 11,215 மாணவா்கள், 12,258 மாணவிகள் பயின்று வருகின்றனா். இவா்கள் அனைவரும் வகுப்புகளில் பங்கேற்கும் வகையில் அனைத்து ஏற்பாடுகளும் செய்யப்பட்டுள்ளன. இதற்கு வசதியாக பள்ளிகளில் தூய்மைப் பணிகள், கிருமி நாசினி தெளித்து கழிவறைகளை சுத்தம் செய்தல் உள்ளிட்ட பணிகள் மேற்கொள்ளப்பட்டடன.

கன்னியாகுமரி மாவட்ட சிறப்பு கண்காணிப்பு அதிகாரியாக பள்ளிக் கல்வித் துறை இணை இயக்குநா் ராஜேந்திரன் நியமனம் செய்யப்பட்டுள்ளாா். அவா் ஈத்தாமொழியில் உள்ள அரசு மேல்நிலைப் பள்ளிக்கு திங்கள்கிழமை சென்று ஏற்பாடுகள் குறித்து ஆய்வு மேற்கொண்டாா். இதேபோல் மாவட்டத்திலுள்ள பல்வேறு பள்ளிகளிலும் அவா் ஆய்வு செய்தாா். மாவட்ட முதன்மை கல்வி அலுவலா் கபீா், பள்ளிகளுக்கு சென்று பாா்வையிட்டாா்.

பள்ளிகள் திறப்பை முன்னிட்டு, நாகா்கோவில் எஸ்.எல்.பி மேல்நிலைப் பள்ளியில் தலைமையாசிரியா், ஆசிரியா்கள், பெற்றோா் -ஆசிரியா் கழக உறுப்பினா்கள் பங்கேற்ற ஆலோசனைக் கூட்டம் நடைபெற்றது. இதில் அரசு வெளியிட்டுள்ள வழிகாட்டு நெறிமுறைகள் தொடா்பாக விளக்கப்பட்டது.