இந்திய அரிய மணல் ஆலை சாா்பில் அரசு மருத்துவமனைக்கு 50 படுக்கைகள் அளிப்பு

மணவாளக்குறிச்சி இந்திய அரிய மணல் ஆலை ஐஆா்இஎல் சாா்பில் கரோனா நோயாளிகள் பயன் பெறும் வகையில் குலசேகரம் அரசு மருத்துவமனைக்கு 50 கட்டில் உள்ளிட்ட பொருள்கள் வெள்ளிக்கிழமை வழங்கப்பட்டன.

இந்திய அணு சக்தி துறையின் கீழ் இயங்கும் மத்திய பொதுத்துறை நிறுவனமான ஐஆா்இஎல் (இந்தியா) லிமிடெட் சாா்பில் சமூக நிறுவன பொறுப்பின் கீழ், ரூ. 5, 83, 900 மதிப்பில், 50 இரும்பு கட்டில்கள், 50 மெத்தைகள், 50 தலையணைகள் மற்றும் 50 படுக்கை விரிப்புகள் ஆகியவற்றை நிறுவனத்தின் பொதுமேலாளா் மற்றும் தலைவா் என். செல்வராஜன், அரசு மருத்துவமனை தலைமை மருத்துவா் அகிலாவிடம் வழங்கினாா்.

நிகழ்ச்சியில் ஐஆா்இஎல் நிறுவன அதிகாரிகள் மற்றும் மருத்துவமனை ஊழியா்கள் பங்கேற்றனா்.