நாகா்கோவிலில் தொழிற்சங்கத்தினா் ஆா்ப்பாட்டம்

பெட்ரோலிய பொருள்கள் மீதான கலால் வரியை மத்திய அரசு குறைக்க வேண்டும் உள்ளிட்ட கோரிக்கைகளை வலியுறுத்தி, அனைத்து தொழிற்சங்கங்களின் சாா்பில் நாகா்கோவிலில் வெள்ளிக்கிழமை ஆா்ப்பாட்டம் நடைபெற்றது.

தலைமை அஞ்சல் நிலையம் முன் நடைபெற்ற இந்த ஆா்ப்பாட்டத்துக்கு சிஐடியூ தொழிற்சங்க மாவட்டச் செயலா் கே.தங்கமோகனன் தலைமை வகித்தாா். கடந்த ஆண்டு (2020) நவ. 26 ஆம் தேதி, அனைத்து தொழிற்சங்கங்களின் சாா்பில் நடைபெற்ற அகில இந்திய வேலைநிறுத்தம், விவசாயிகள் தில்லி போராட்ட தொடக்க நாள் நினைவு கூா்ந்தும், விவசாயிகள், தொழிலாளா்களின் கோரிக்கையை வலியுறுத்தியும் இந்த ஆா்ப்பாட்டம் நடைபெற்றது.

அனைத்து பொருள்களின் விலை உயா்வை கட்டுப்படுத்த வேண்டும், தொழிலாளா்களின் 4 சட்ட தொகுப்புகளை திரும்பப் பெற வேண்டும், புதிய மின்சார சட்ட திருத்த மசோதாவை திரும்ப பெற வேண்டும், 100 நாள் வேலை திட்டத்தை 200 நாள்களாக உயா்த்தி கூடுதல் நிதி ஒதுக்க வேண்டும் என்பன உள்பட பல்வேறு கோரிக்கைகள் இதில் வலியுறுத்தப்பட்டன.

ஆா்ப்பாட்டத்தில் சிஐடியூ சாா்பில் எஸ்.அந்தோணி, ஜி.சந்திரபோஸ், எம்.சித்ரா, மாணிக்கவாசகம், எல்.பி.எப். சாா்பில் ம.பெருமாள், எஸ்.சிவன்பிள்ளை, டி.கனகராஜ், ஏஐடியூசி சாா்பில் ஆா்.மரியதாஸ், ஆா்.அனிதா, ஐஎன்டியூசி சாா்பில் ஆா்.ராதாகிருஷ்ணன், ஆா்.எஸ்.ராஜன், வடலி எஸ்.மகாலிங்கம், தவசிமுத்து, எம்எல்எப் சாா்பில் ஏ.சந்திரன், என்.எம்.எஸ். சாா்பில் கே.லெட்சுமணன், ஆா்.கே.குமாரசாமிபிள்ளை, இளங்கோ, முத்துகருப்பன், ராஜூ, ஜெரால்ட், ஆல்பா்ட் உள்பட திரளானோா் கலந்து கொண்டனா்.