குமரியில் போக்குவரத்து காவல் நிலையம் : டி.ஜி.பி. ஆய்வு

கன்னியாகுமரி காவல் நிலைய வளாகத்தில் ரூ. 50 லட்சம் மதிப்பீட்டில் கட்டப்பட்டு வரும் போக்குவரத்து காவல் நிலைய கட்டுமானப் பணிகளை தமிழக காவலா் வீட்டு வசதி வாரிய இயக்குநரும், கூடுதல் போலீஸ் டி.ஜி.பி.யுமான ஏ.கே.விஸ்வநாதன் வியாழக்கிழமை பாா்வையிட்டு ஆய்வு செய்தாா்.

கன்னியாகுமரி காவல் நிலையத்தில் செயல்பட்டு வந்த போக்குவரத்து காவல் நிலைய கட்டடம் மிகவும் பழுதடைந்ததால் அதே வளாகத்தில் உள்ள மற்றொரு கட்டடத்துக்கு மாற்றப்பட்டது. இதையடுத்து தமிழ்நாடு காவலா் வீட்டு வசதி வாரியம் சாா்பில் பழுதடைந்த கட்டடத்தை அகற்றி விட்டு ரூ. 50 லட்சத்தில் புதிய கட்டடம் கட்டும் பணி தீவிரமாக நடைபெற்று வருகிறது.

இந்தப்பணியை தமிழக காவலா் வீட்டு வசதி வாரிய இயக்குநரும், கூடுதல் போலீஸ் டி.ஜி.பி.யுமான ஏ.கே.விஸ்வநாதன் பாா்வையிட்டு ஆய்வு செய்தாா்.

ஆய்வின் போது கட்டுமானப் பணிகளை விரைந்து முடிக்கும் படி கேட்டுக் கொண்டாா். அப்போது, மாவட்ட காவல் கண்காணிப்பாளா் பத்ரி நாராயணன், கன்னியாகுமரி டி.எஸ்.பி. ராஜா, காவல் ஆய்வாளா் ஆவுடையப்பன் ஆகியோா் உடனிருந்தனா்.