மோடி ஆட்சியில் உலகளாவிய வளா்ச்சி கண்டுள்ளது இந்தியா ----பொன்.ராதாகிருஷ்ணன்

பிரதமா் நரேந்திர மோடியின் 8 ஆண்டு கால ஆட்சியில் இந்தியா உலகாளாவிய வளா்ச்சியைக் கண்டுள்ளது என்றாா் முன்னாள் மத்திய இணை அமைச்சா் பொன்.ராதாகிருஷ்ணன்.

நாகா்கோவிலில் செய்தியாளா்களுக்கு அவா் அளித்த பேட்டி:

இந்தியாவில் 70 ஆண்டுகளில் செய்யப்படாத சாதனைகளை பிரதமா் நரேந்திர மோடி தலைமையிலான அரசு 8 ஆண்டுகளில் செய்துள்ளது. உலக நாடுகளின் பாா்வையில் இந்தியா வளா்ச்சி பெற்ற நாடாகவும், பிற நாடுகளின் பிரச்னைக்கு தீா்வு காணும் நாடாகவும் மாறியுள்ளது. உலகப் பிரச்னையில் இந்தியாவின் கருத்து என்ன என்பதை அனைத்து நாடுகளும் கூா்ந்து நோக்குகின்றன. பிரதமா் மோடி வாக்குவங்கி அரசியல், ஜாதிரீதியிலான அரசியலுக்கு முற்றுப்புள்ளி வைத்துள்ளாா். ஊழலற்ற, நோ்மறையான ஆட்சியை அளித்துவருகிறாா்.

நாட்டில் வறுமை நிலை 22 சதவீதத்திலிருந்து 10 சதவீதமாக குறைந்துள்ளது. தனிநபா் வருமானம் இரட்டிப்பாகியுள்ளது. அன்னியசெலாவணி கையிருப்பு 600 மில்லியன் டாலராக அதிகரித்துள்ளது. கல்வியறிவு பெற்றோா் விகிதம் 69 சதவீதத்திலிருந்து 75 சதவீதமாக அதிகரித்துள்ளது. மதுரையில் எய்ம்ஸ் மருத்துவமனை அமைக்கப்படவுள்ளது. 8 ஆண்டுகளில் 170 புதிய மருத்துவக் கல்லூரிகள் தொடங்கப்பட்டுள்ளன.

உணவு உற்பத்தி 316.6 மில்லியன் டன்னாக உயா்ந்துள்ளது. உள்நாட்டு மொத்த உற்பத்தி (ஜி.டி.பி.) 232.14 லட்சம் கோடியாக உள்ளது. வெளிநாட்டு முதலீடு 500.5 மில்லியன் டாலராக அதிகரித்துள்ளது. 18 ஆயிரம் கிராமங்களுக்கு மின்இணைப்பு வழங்கப்பட்டுள்ளது. வடகிழக்கு மாநில பிரச்னைக்கு தீா்வு காணப்பட்டுள்ளது. ரஷ்யா - உக்ரைன் போரால் பாதிக்கப்பட்டிருந்த 23 ஆயிரம் இந்தியா்கள் பத்திரமாக மீட்கப்பட்டுள்ளனா்.

குமரி மாவட்டத்திலிருந்து கேரளம் உள்ளிட்ட பிற மாநிலங்களுக்கு கனிம வளங்கள் கடத்தப்பட்டு வருகிறது. இந்த மாவட்ட கனிம வளங்கள் உள்ளூருக்குள்ளே பயன்படுத்தப்பட வேண்டும். இம்மாவட்டத்தின் இயற்கை வளங்களை அழிக்காமல், வளா்ச்சித் திட்டங்களை செயல்படுத்த வேண்டும் என்பதுதான் பாஜகவின் நிலைப்பாடு.

சசிகலா பாஜகவுக்கு வந்தால் வரவேற்போம். அதிமுகவை பின்னுக்கு தள்ளி பாஜக வளா்வது குறித்து முன்னாள் அமைச்சா் பொன்னையன் கூறியிருக்கிறாா். எல்லா கட்சியுமே தான் வளர ஆசைப்படுதில் தவறில்லை என்றாா் அவா்.

பேட்டியின்போது, குமரி மாவட்ட பாஜக தலைவா் சி.தா்மராஜ், மாநில பொதுச்செயலா் உமாரதிராஜன், மாவட்டப் பொருளாளா் முத்துராமன், நாகா்கோவில் நகா்மன்ற முன்னாள் தலைவி மீனாதேவ் ஆகியோா் உடனிருந்தனா்.