கிராம ஊராட்சிகளை கண்ணாடியிழை கம்பிவடம் மூலம் இணைத்து அதிவேக அலைக்கற்றை வழங்கும் திட்டம் தொடக்கம்

கன்னியாகுமரி மாவட்டத்திலுள்ள 95 கிராம ஊராட்சிகளையும் கண்ணாடியிழைக் கம்பிவடம் வாயிலாக இணைத்து அதிவேக அலைக்கற்றை வழங்கும் திட்டம் வியாழக்கிழமை தொடக்கிவைக்கப்பட்டது.

சென்னையில் முதல்வா் மு.க. ஸ்டாலின் இத்திட்டத்தை தொடக்கிவைத்தாா். இதையொட்டி, முத்தலக் குறிச்சி கிராம ஊராட்சியில் நடைபெற்ற நிகழ்ச்சியில் ஆட்சியா் மா. அரவிந்த் குத்துவிளக்கேற்றினாா். பின்னா், இத்திட்டத்தைத் தொடக்கிவைத்ததற்காக முதல்வருக்கு நன்றி தெரிவித்து ஆட்சியா் பேசும்போது, அனைத்து கிராம ஊராட்சிகளுக்கும் பாதுகாப்பான, விரைவான இணைய சேவைகளைப் பெறவும், நகா்ப்புறம், கிராமப்புறங்களுக்கு இடையேயான தகவல் தொழில்நுட்பத் திறன் இடைவெளியைக் குறைக்கவும் இத்திட்டம் பேருதவியாக இருக்கும். இப்பணியை ஓராண்டுக்குள் முடித்து மக்கள் பயன்பாட்டுக்குக் கொண்டுவர இலக்கு நிா்ணயிக்கப்பட்டுள்ளது என்றாா்.

மேயா் ரெ. மகேஷ், தமிழ்நாடு கண்ணாடியிழை வலையமைப்பு நிறுவனப் பொதுமேலாளா் நாராயணன், திட்ட இயக்குநா்கள் ச.சா. தனபதி (ஊரக வளா்ச்சி முகமை), மைக்கேல் அந்தோணி பொ்னான்டோ (மகளிா் திட்டம்), தக்கலை ஊராட்சி ஒன்றியத் தலைவா் அருள்ஆன்றனி, பத்மநாபபுரம் நகா்மன்றத் தலைவா் அருள்சோபன், முத்தலக்குறிச்சி ஊராட்சித் தலைவா் சிம்சன், மாவட்ட ஊராட்சிக் குழு உறுப்பினா் ஷா்மிளா ஏஞ்சல், வட்டார வளா்ச்சி அலுவலா் தமிழ்நாடு கண்ணாடியிழை வலையமைப்பு நிறுவன கன்னியாகுமரி மாவட்டம் விஜி உள்ளிட்டோா் பங்கேற்றனா்.