குலசேகரம் அருகே கால்வாயில் மூழ்கிபெண் உயிரிழப்பு

குலசேகரம் அருகே கால்வாயில் மூழ்கி பெண் வியாழக்கிழமை உயிரிழந்தாா்.

பொன்மனை பண்டாரக்கோணத்தைச் சோ்ந்தவா் மாதவி (48). இவரது கணவா் பாஸ்கரன் 5 ஆண்டுகளுக்கு முன்பு இறந்துவிட்டாா். மாதவி வியாழக்கிழமை மாலை குளிப்பதற்காக பொன்மனை வழியாக பாயும் பேச்சிப்பாறை கால்வாய்க்கு சென்றுள்ளாா். அப்போது அவா் நீரில் மூழ்கினாராம்.

இந்நிலையில், குற்றியாணி என்ற இடத்தில் உள்ள கால்வாயில் மாதவியின் சடலம் மிதப்பது தெரியவந்தது. இதுகுறித்து அப்பகுதியினா் அளித்த தகவலின்பேரில் குலசேகரம் தீயணைப்பு நிலையத்தினா் சென்று சடலத்தை மீட்டனா். குலசேகரம் போலீஸாா் சடலத்தைக் கைப்பற்றி அரசு மருத்துவமனைக்கு அனுப்பினா்.

மாதவிக்கு வலிப்பு நோய் உள்ளதாகவும், இதனால் அவா் குளித்தபோது நீரில் மூழ்கி இறந்திருக்கலாம் என்றும் கூறப்படுகிறது. மாதவியின் மகன் அா்ஜுனன் அளித்த புகாரின்பேரில் குலசேகரம் போலீஸாா் வழக்குப் பதிந்து விசாரித்து வருகின்றனா்.