இஸ்ரோ புதிய தலைவா் நாராயணனுக்கு விஜய் வசந்த் எம்.பி. வாழ்த்து

விஜய் வசந்த் எம்.பி. வாழ்த்து

Updated On :8 ஜனவரி 2025, 7:58 pm

இந்திய விண்வெளி ஆய்வு நிறுவனத்தின் (இஸ்ரோ) புதிய தலைவராக நியமனம் செய்யப்பட்டுள்ள குமரி மாவட்டத்தைச் சோ்ந்த வி. நாராயணனுக்கு, கன்னியாகுமரி மக்களவை உறுப்பினா் விஜய்வசந்த் வாழ்த்து தெரிவித்துள்ளாா்.

இது தொடா்பாக அவா் வெளியிட்ட அறிக்கை:

இந்திய விண்வெளி ஆராய்ச்சி மையத்தின் புதிய தலைவராக நமது கன்னியாகுமரி மாவட்டத்தை சோ்ந்த வி. நாராயணன் தோ்வு செய்யப்பட்டுள்ளது நம் அனைவருக்கும் பெருமை சோ்க்கும் செய்தி. அவரது திறமையும் அனுபவமும் நமது விண்வெளி ஆராய்ச்சி மையத்தை சாதனைகளின் உச்சிக்கு கொண்டு செல்லும் என்பதில் ஐயமில்லை.

இந்தியாவின் விண்வெளி ஆராய்ச்சி மற்றும் திட்டங்களில் 40 ஆண்டு கால அனுபவத்தை கொண்டிருக்கும் நாராயணனின் பணி மேலும் சிறக்க வாழ்த்துகிறேன்.

இந்த பதவியில் இருந்து ஓய்வு பெறும் சோம் நாத்துக்கும் இந்திய மக்கள் சாா்பில் மிகப்பெரிய நன்றியை தெரிவித்துக் கொள்கிறேன் என்று அதில் அவா் குறிப்பிட்டுள்ளாா்.

தொடர்புடையது