பொது இடத்தில் மது அருந்தியதாக இருவா் கைது

களியக்காவிளை அருகே பொதுமக்களுக்கு இடையூறு ஏற்படுத்தும் வகையில் பொது இடத்தில் மது அருந்தியதாக இருவரை போலீஸாா் கைது செய்தனா்.

களியக்காவிளை காவல் நிலைய போலீஸாா் ஒற்றாமரம் பகுதியில் சனிக்கிழமை ரோந்துப் பணியில் ஈடுபட்டிருந்தபோது, பொதுமக்களுக்கும், போக்குவரத்துக்கும் இடையூறாக மது அருந்தியதாக கூட்டப்புளி பகுதியைச் சோ்ந்த சுஜின் (28) என்பவரை கைது செய்தனா்.

தொடா்ந்து, குழித்துறை பகுதியில் பொதுமக்களுக்கு இடையூறாக மது அருந்தியதாக அப்பகுதியைச் சோ்ந்த சனல் (35) என்பவரை கைது செய்தனா். இது குறித்து, களியக்காவிளை போலீஸாா் வழக்குப் பதிந்து, விசாரணை மேற்கொண்டனா்.