களியக்காவிளை அருகே காா் மோதி தொழிலாளி உயிரிழப்பு

களியக்காவிளை அருகே இருசக்கர வாகனம் மீது காா் மோதியதில் கட்டுமானத் தொழிலாளி உயிரிழந்தாா்.

களியக்காவிளை அருகேயுள்ள வயலங்கரை, இடைக்கவிளை வீட்டைச் சோ்ந்தவா் விமல்ரோஸ் (30). கட்டுமானத் தொழிலாளி. இவா் ஞாயிற்றுக்கிழமை கோழிவிளை பகுதியிலிருந்து திட்டங்கனாவிளை பகுதிக்கு தனது இருசக்கர வாகனத்தில் சென்று கொண்டிருந்தாராம்.

தையாலுமூடு பகுதியில் சென்றபோது, கேரள மாநிலம் காட்டாக்கடை பகுதியில் உள்ள கிறிஸ்தவ கல்லூரியில் விரிவுரையாளராக பணியாற்றி வரும் சூரியகோடு, குறிச்சிவிளையைச் சோ்ந்த செல்லப்பன் மகன் சஜிகுமாா் (47) ஓட்டி வந்த காா், இருசக்கர வாகனம் மீது மோதியதாம்.

இதில், தூக்கி வீசப்பட்டு பலத்த காயமடைந்த விமல் ரோஸை அப்பகுதியினா் மீட்டு குழித்துறை அரசு மருத்துவமனையில் முதலுதவி சிகிச்சைக்குப் பின்னா் ஆசாரிப்பள்ளம் அரசு மருத்துவக் கல்லூரி மருத்துவமனையில் அனுமதித்தனா். அங்கு அவா் திங்கள்கிழமை உயிரிழந்தாா்.

இதுகுறித்து களியக்காவிளை போலீஸாா் வழக்குப் பதிந்து விசாரணை மேற்கொண்டு வருகின்றனா்.