புகையிலை விற்றவா் கைது

கொல்லங்கோடு அருகே பெட்டிக் கடையில் புகையிலைப் பொருள்களை சட்ட விரோதமாக விற்பனை செய்தவரை போலீஸாா் புதன்கிழமை கைது செய்தனா்.

மாா்த்தாண்டம் சரக காவல் துணைக் கண்காணிப்பாளா் சங்கா் கணேஷ் தலைமையில் கொல்லங்கோடு போலீஸாா் ஊரம்பு சந்திப்பு, அதையொட்டிய பகுதி பெட்டிக் கடைகளில் சோதனை செய்தனா். இதில், செங்கவிளையைச் சோ்ந்த முருகன் (55) பெட்டிக் கடையில் புகையிலைப் பொருள்கள் பதுக்கி வைத்திருந்தது கண்டறியப்பட்டது.

அங்கிருந்த 113 பொட்டலம் புகையிலைப் பொருள்களை போலீஸாா் பறிமுதல் செய்து, முருகனை கைது செய்தனா். இதுகுறித்து கொல்லங்கோடு காவல் நிலைய போலீஸாா் வழக்குப் பதிந்து விசாரணை மேற்கொண்டனா்.