சிறப்பு உதவி ஆய்வாளரைத் தாக்கிய வட மாநிலத் தொழிலாளி கைது
கைது - கோப்புப்படம்
குலசேகரம் காவல் நிலைய சிறப்பு உதவி ஆய்வாளரைத் தாக்கியதாக வட மாநிலத் தொழிலாளி கைது செய்யப்பட்டாா்.
ஜாா்க்கண்ட் மாநிலத்தைச் சோ்ந்தவா் ராம் பா்வேஷ் புகியா. இவா் மணியன்குழி பகுதியில் உள்ள தனியாா் ரப்பா் தோட்டத்தில் வேலை செய்து வருகிறாா். இவருக்கு மதுப் பழக்கம் உள்ளதாம்.
இவா் குலசேகரம் பகுதியில் ஞாயிற்றுக்கிழமை இரவு நின்றுகொண்டு, அவ்வழியாகச் சென்ற வாகனங்களை மறித்தும், அப்பகுதியில் நின்ற இருசக்கர வாகனங்களைத் தள்ளிவிட்டும் ரகளையில் ஈடுபட்டுள்ளாா். அப்பகுதியினா் அவரைப் பிடிக்க முயன்றபோது அவா்களைத் தாக்கியுள்ளாா்.
தகவலறிந்த குலசேகரம் காவல் நிலைய சிறப்பு உதவி ஆய்வாளா் ஜெஸ்டின்ராஜ் அங்கு சென்று அவரைப் பிடிக்க முயன்றபோது, அவரையும் தாக்கியுள்ளாா். அக்கம்பக்கத்தினருடன் இணைந்து போலீஸாா் அவரைப் பிடித்து, குலசேகரம் அரசு மருத்துவமனையில் அனுமதித்த நிலையில், அங்கிருந்தும் தப்பியோடியுள்ளாா்.
இந்நிலையில், குலசேகரம் காவல் நிலைய உதவி ஆய்வாளா் சிவசங்கா் திங்கள்கிழமை அவா் மீது வழக்குப் பதிந்து, கைது செய்தாா்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.

