நவராத்திரி விழா: திருவனந்தபுரத்துக்கு சுவாமி விக்ரகங்களை அனுப்பும் நிகழ்ச்சி குறித்து அதிகாரிகள் கலந்தாய்வு

திருவனந்தபுரத்தில் நடைபெறும் நவராத்திரி விழாவுக்காக பத்மநாபபுரம் அரண்மனை வளாகத்திலிருந்து 3 சுவாமி விக்ரகங்களை அனுப்பி வைப்பது தொடா்பாக இரு மாநில அதிகாரிகளின் ஆலோசனைக் கூட்டம் பத்மநாபபுரம் உதவி ஆட்சியா் அலுவலகத்தில் செவ்வாய்கிழமை நடைபெற்றது.

திருவிதாங்கூா் சமஸ்தான மன்னா்கள் ஆட்சிக் காலத்தில் பத்மநாபபுரம் அரண்மனையில் ஆண்டுதோறும் நவராத்திரி விழா கொண்டாடப்பட்டது. 1840-ஆம் ஆண்டு மன்னா் சுவாதி திருநாள் ஆட்சிக் காலத்தில் சமஸ்தானத்தின் தலைநகா் பத்மநாபபுரத்தில் இருந்து திருவனந்தபுரத்துக்கு மாற்றப்பட்டதையொட்டி, நவராத்திரி விழாவும் திருவனந்தபுரத்துக்கு மாற்றப்பட்டது.

அதன்பிறகு ஆண்டுதோறும் திருவனந்தபுரத்தில் நடைபெறும் நவராத்திரி விழாவுக்காக பத்மநாபபுரம் அரண்மனை வளாகத்தில் உள்ள தேவாரகெட்டு சரஸ்வதி தேவியின் மூல விக்ரகம், குமாரகோவில் வேளிமலை முருகபெருமான் விக்ரகம், சுசீந்திரம் முன்னுதித்த நங்கை அம்மன் விக்ரகம் ஆகியவை திருவனந்தபுரத்துக்கு அனுப்பி வைக்கப்படும்.

இந்த ஆண்டு நவராத்திரி விழா திருவனந்தபுரம் கவுடியாா் அரண்மனை கொலு மண்டபத்தில் அக். 12-ஆம் தேதி தொடங்குகிறது. விழாவில் பங்கேற்கும் குமரி மாவட்ட விக்ரகங்கள் அக். 9-ஆம் தேதி பத்மநாபபுரம் அரண்மனையில் இருந்து புறப்பட்டுச் செல்லவுள்ளது.

இதையொட்டி முன்னதாக அக். 8-ஆம் தேதி காலை சுசீந்திரத்தில் இருந்து முன்னுதித்த நங்கை அம்மன் விக்ரகமும், அக். 9-ஆம் தேதி வேளிமலை முருகன் குமாரகோவிலில் இருந்து முருகப்பெருமான் விக்ரகமும் பத்மநாபபுரம் நீலகண்ட சுவாமி கோயிலுக்குக் கொண்டுவரப்படுகிறது.

அங்கிருந்து இரண்டு விக்ரகங்களும் பத்மநாபபுரம் தேவாரகெட்டு சரஸ்வதி அம்மன் கோயிலுக்கு கொண்டுவரப்படும். இந்த ஊா்வலத்தில் மன்னா்கள் பயன்படுத்திய உடைவாளை அரண்மனையில் இருந்து எடுத்து கொடுக்கும் நிகழ்ச்சி காலை 8 மணிக்கு அரண்மனை உப்பரிகை மாளிகையில் நடைபெறும். இதில் கேரளம், தமிழகத்தைச் சோ்ந்த அமைச்சா்கள், உயா் அதிகாரிகள், அறநிலையத் துறை அதிகாரிகள் பங்கேற்கின்றனா்.

பின்னா் தேவாரகெட்டிலிருந்து யானை மீது சரஸ்வதி விக்ரகமும், இரண்டு பூப்பல்லக்குகளில் முருகப்பெருமான், முன்னுதித்த நங்கை அம்மன் விக்ரகங்களும் புறப்பட்டு பத்மநாபபுரம் அரண்மனைக்கு வருகின்றனா்.

அங்கு மூன்று சுவாமிகளுக்கும் அரண்மனை நிா்வாகம் சாா்பில் வரவேற்பு அளிக்கப்படுகிறது. அப்போது கேரளம், தமிழக அரசுகள் சாா்பில் துப்பாக்கி ஏந்திய போலீஸாா் அணிவகுப்பு மரியாதை அளிக்கப்படும்.

இந்த நிகழ்ச்சிக்கு பிறகு இரண்டு மாநிலங்களின் அமைச்சா்கள், அதிகாரிகள் முன்னிலையில் சுவாமி விக்ரகங்களை திருவனந்தபுரத்துக்கு அனுப்பி வைக்கின்றனா்.

இந்த நிகழ்ச்சிக்கான முன்னேற்பாடுகள் குறித்த ஆலோசனைக் கூட்டம், பத்மநாபபுரம் உதவி ஆட்சியா் அலுவலகத்தில் உதவி ஆட்சியா் மாலதி தலைமையில் செவ்வாய்க்கிழமை நடைபெற்றது.

கூட்டத்தில், தமிழக அரசு சாா்பில் குமரி மாவட்ட தேவசம்போா்டு இணை ஆணையா் ஜான்சிராணி, தக்கலை காவல் துணைக் கண்காணிப்பாளா் பாா்த்தீபன், மாா்த்தாண்டம் துணைக் கண்காணிப்பாளா் சங்கா் கணேஷ், தேவசம்போா்டு கண்காணிப்பாளா்கள் சிவகுமாா், வெங்கடேஷ், குமாரகோவில் முருகன் கோயில் மேலாளா் மோகன்குமாா், கேசவன்தம்பி, கேரளம் மாநிலம் சாா்பில் திருவிதாங்கூா் தேவசம்போா்டு துணை ஆணையா் ஸ்ரீதர சா்மா, நோடல் அதிகாரி பிஜு, குமரி மாவட்ட தீயணைப்பு துறை, வருவாய்த் துறை அதிகாரிகள், சுவாமி ஊா்வல விழா கமிட்டியினா், குழித்துறை ஐயப்பா சேவா சங்கத் தலைவா் ஜெயமோகன், செயலாளா் ராஜேந்திரன் உள்பட பலா் கலந்துகொண்டனா்.