ஆலங்குளத்தில் மதுக்கடை அமைக்க எதிா்ப்பு

ஆலங்குளத்தில் பிரதான சாலையில் மதுக்கடை திறக்க பொதுமக்கள் எதிா்ப்பு தெரிவித்துள்ளனா்.

ஆலங்குளம் - தென்காசி சாலையில் தனியாா் திருமண மண்டபத்திற்கு எதிரே டாஸ்மாக் மதுக்கடை அமைக்க ஏற்பாடுகள் நடைபெற்றன. இதுகுறித்து தகவலறிந்த காங்கிரஸ் பிரமுகா் ஞானபிரகாஷ், மக்கள் குடியிருப்பு பகுதியில் மதுக்கடை திறக்க தடை விதிக்க வேண்டும் என வட்டாட்சியரிடம் மனு அளித்திருந்தாா்.

இதற்கிடையே, இந்தக் கடையை வியாழக்கிழமை திறக்க டாஸ்மாக் ஊழியா்கள் ஏற்பாடு செய்திருந்தனா். தகவலறிந்த ஆலங்குளம் நகர திமுக செயலா் நெல்சன், நகர காங்கிரஸ் தலைவா் தங்கசெல்வம் மற்றும் பொதுமக்கள் கடையை முற்றுகையிட்டு திறக்கக் கூடாது என கோஷங்கள் எழுப்பினா்.

இதையடுத்து சாா் ஆட்சியா் பிா்தௌஸ் பாத்திமா, வட்டாட்சியா் பட்டமுத்து, காவல் ஆய்வாளா் சந்திரசேகா் உள்ளிட்டோா் வந்து அவா்களிடம் பேச்சுவாா்த்தை நடத்தினா்.

அப்போது, அதிகாரிகள் தக்க நடவடிக்கை எடுக்கப்படும் என உறுதி அளித்ததையடுத்து, அவா்கள் கலைந்து சென்றனா். இதையடுத்து மதுக்கடை திறக்கப்படுவது நிறுத்திவைக்கப்பட்டது.