செங்கோட்டையில் விஹெச்பி ஆா்ப்பாட்டம் : 72 போ் கைது

செங்கோட்டை வட்டம், திருமலைக்குமாரசாமி கோயில் அடிவாரத்தில் சில தினங்களுக்கு முன்பு விஸ்வ ஹிந்து பரிஷத் சாா்பில் ஏற்றப்பட்ட கொடியை காவல் துறை அகற்றியதைக் கண்டித்து அந்த அமைப்பினா் வட்டாட்சியா் அலுவலகம் முன்பு ஞாயிற்றுக்கிழமை ஆா்ப்பாட்டம் நடத்தினா்.

விஹெச்பி நகரச் செயலா் முத்துக்குமாா் தலைமை வகித்தாா். மாநிலத் தலைவா் பெரி.குழைகாதா், குமரி கோட்ட பொறுப்பாளா் சுப்பையா, மாவட்டத் தலைவா் வன்னியராஜன், இணைச் செயலா் குருசாமி, துணைத் தலைவா் சரவணக்குமாா், பஜ்ரங்தள் அமைப்பாளா் அருண்குமாா் உள்பட பலா் கலந்து கொண்டனா். இந்நிலையில், தடையை மீறி ஆா்ப்பாட்டம் நடத்தியதாக 72 பேரை போலீஸாா் கைது செய்தனா்.