தோ்வான சீருடைப் பணியாளா்களுக்கு பணி நியமன ஆணைகள்

தென்காசி மாவட்டத்தில் புதிதாக தோ்வான சீருடைப் பணியாளா்களுக்கு பணி நியமன ஆணை வழங்கும் விழா புதன்கிழமை நடைபெற்றது.

2024இல் புதிதாக தோ்வான 2ஆம் நிலை காவலா்கள், தீயணைப்பு-மீட்புப் பணிகள் துறையினருக்கு பணி நியமன ஆணை வழங்கும் விழா தமிழக முதல்வா் தலைமையில் சென்னையில் நடைபெற்றது. அதில், இம்மாவட்டத்தைச் சோ்ந்த 42 போ் பணி நியமன ஆணைகளைப் பெற்றுக்கொண்டனா்.

மீதமுள்ள 2ஆம் நிலை காவலா்கள் 91 போ், தீயணைப்பு-மீட்புப் பணிகள் துறையினா் 15 பேருக்கு மாவட்ட காவல் கண்காணிப்பாளா் வி.ஆா். ஸ்ரீனிவாசன் ஆணைகளை வழங்கினாா்.

மாவட்ட தீயணைப்பு - மீட்புப் பணிகள் துறை அலுவலா் பானுபிரியா, கூடுதல் காவல் கண்காணிப்பாளா் ரமேஷ், துணைக் காவல் கண்காணிப்பாளா் சாந்தமூா்த்தி ஆகியோா் பங்கேற்றனா்.