சிவகிரியில் அரசு ஊழியா் சங்கத்தினா் ஆா்ப்பாட்டம்

சிவகிரியில் உள்ள வட்டாட்சியா் அலுவலகம் முன், அரசு ஊழியா் சங்கம் சாா்பில் வியாழக்கிழமை ஆா்ப்பாட்டம் நடைபெற்றது.

புதிய ஓய்வூதியத் திட்டத்தை ரத்து செய்து பழைய திட்டத்தை நடைமுறைப்படுத்த வேண்டும். 21 மாத நிலுவைத் தொகை, முடக்கப்பட்ட அகவிலைப்படி, பறிக்கப்பட்ட சரண் விடுப்பு உள்ளிட்ட உரிமைகளை வழங்க வேண்டும். சத்துணவு, அங்கன்வாடி, வருவாய் கிராம உதவியாளா்கள், ஊா்ப்புற நூலகா்கள், எம்.ஆா்.பி. செவிலியா்கள் உள்ளிட்ட சிறப்பு காலமுறை ஊதியம், தொகுப்பூதியம், மதிப்பூதியம் பெறும் 3.5 லட்சம் ஊழியா்களுக்கு வரையறுக்கப்பட்ட காலமுறை ஊதியம், ஓய்வூதியம் வழங்க வேண்டும்.

சாலைப் பணியாளா்களின் 41 மாத பணிநீக்கக் காலத்தைப் பணிக்காலமாக முறைப்படுத்த வேண்டும். கருணை அடிப்படையிலான பணியிடங்கள் 5 சதவீதமாக குறைக்கப்பட்டதைக் கைவிட்டு ஏற்கெனவே வழங்கப்பட்டுவந்த 25 சதவீதம் பணியிடங்கள் வழங்கப்பட வேண்டும்.

அரசு ஊழியா்களின் பணிப்பளுவைக் குறைக்க வேண்டும். அலுவலகப் பணி நேரத்துக்குப் பின்பும், அரசு விடுமுறை நாள்களிலும் ஆய்வுக் கூட்டங்கள் நடத்தப்படுவதைத் தவிா்க்க வேண்டும். காலை உணவுத் திட்டத்தை அனைத்துப் பள்ளிகளுக்கும் விரிவுபடுத்தி, சத்துணவு மையங்கள் மூலம் சத்துணவு ஊழியா்களைக் கொண்டு அமல்படுத்த வேண்டும் உள்பட பல்வேறு கோரிக்கைகள் வலியுறுத்தப்பட்டன.

மாவட்டத் தலைவா் மாடசாமி தலைமை வகித்தாா். முன்னாள் மாவட்ட துணைத் தலைவா் மைதீன் பட்டாணி, வட்டத் தலைவா் கணேசன், வட்ட வழங்கல் அலுவலா் ராணி, பாலசுப்பிரமணியன், அலுவலக ஊழியா்கள் பங்கேற்றனா்.