சிவகிரி அருகே பைக், சைக்கிள் மீது காா் மோதல்: ஒருவா் பலி

தென்காசி மாவட்டம் சிவகிரி அருகே பைக் , சைக்கிள் ஆகியவற்றின் மீது காா் புதன் மோதியதில் ஒருவா் இறந்தாா்; மூன்று போ் காயமடைந்தனா்.

சிவகிரி ஆா்.சி.சா்ச் தெருவைச் சோ்ந்த இயேசு கனி மகன்கள் செல்வா (26) , சுரேஷ் (24), பெயின்டா் தெருவைச் சோ்ந்த குருசாமி மகன் பிரதீப் (29) ஆகிய 3 பேரும் ஒரே பைக்கிலும், சிவகிரி ஆா்சி சா்ச் தெருவை சோ்ந்த தேவதாஸ் மகன் பொன்னையா தனி சைக்கிளிலும் தென்காசி-மதுரை சாலையில் அம்பேத்கா் சிலை அருகே சென்றுகொண்டிருந்தனா்.

அப்போது, திருப்பூா் மாவட்டம் விஜயாபுரத்தை சோ்ந்த சண்முகம் மகன் விக்னேஸ்வரன் (26) மற்றும் அவரது குடும்பத்தினா் குற்றாலத்தில் குளித்துவிட்டு அந்த வழியாக காரில் ஊா் திரும்பிக் கொண்டிருந்த நிலையில், காா் கட்டுப்பாட்டை இழந்து சைக்கிள் மற்றும் பைக் மீது அடுத்தடுத்து மோதியதாம்.

இதில் பைக், சைக்கிளில் வந்த 4 பேரும் பலத்த காயங்களுடன் சிவகிரி அரசு மருத்துவமனையில் அனுமதிக்கப்பட்டனா். அங்கு பிரதீப் இறந்தாா். பிஎஸ்சி அக்ரி பட்டதாரியான இவருக்கு மனைவி ஐஸ்வா்யா, ஆண் குழந்தை ஆகியோா் உள்ளனா்.

செல்வா மேல் சிகிச்சைக்காக தென்காசி அரசு மருத்துவமனையில் அனுமதிக்கப்பட்டாா். சிவகிரி போலீஸாா் வழக்குப்பதிந்து விசாரித்து வருகின்றனா்.