பேட்டையில் உண்ணாவிரதம்

ஜனநாயக தொழிற்சங்க மையம் சார்பில் பேட்டையில் திங்கள்கிழமை உண்ணாவிரதப் போராட்டம் நடைபெற்றது.

தொழிலாளர் விரோதப் போக்கிற்காக இ.எஸ்.ஐ.சி. இணை இயக்குநர் மீது நடவடிக்கை எடுக்கக் கோரியும், தனியார் ஆலையை உடனே திறக்கக் கோரியும் இந்த உண்ணாவிரதம் நடைபெற்றது.

ஜனநாயக தொழிற்சங்க மையத்தின் மாவட்டப் பொதுச்செயலர் டி.ராஜமாணிக்கம் தலைமை வகித்தார். மாநிலக்குழு உறுப்பினர் க.துளசியம்மாள், மாவட்டக் குழு உறுப்பினர் க.இசக்கிப்பாண்டி உள்ளிட்டோர் கோரிக்கைகளை விளக்கிப் பேசினர். பேட்டை கோவிந்தராஜ், சுத்தமல்லி சுப்பிரமணியன் உள்பட பலர் கலந்துகொண்டனர்.