தேர்வு விடுமுறையில் நீச்சல் பயிற்சி முகாம்

காலாண்டுத் தேர்வு விடுமுறையை பயனுள்ளதாக மாற்ற பாளையங்கோட்டை அண்ணா விளையாட்டு அரங்கில் சிறப்பு நீச்சல் பயிற்சி முகாம் நடைபெறுகிறது.

இதுதொடர்பாக மாவட்ட விளையாட்டு அலுவலர் பா. பிராங்க்பால் ஜெயசீலன் கூறியதாவது:

தமிழ்நாடு விளையாட்டு மேம்பாட்டு ஆணையத்தின், திருநெல்வேலி பிரிவு சார்பில் நீச்சல் கற்றுக் கொள் எனும் திட்டத்தின்படி, பாளையங்கோட்டை அண்ணா விளையாட்டு அரங்கில் உள்ள நீச்சல் குளத்தில் ஆண்டு முழுவதும் நீச்சல் பயிற்சி அளிக்கப்பட்டு வருகிறது. என்ஐஎஸ் பட்டம் பெற்ற பயிற்சியாளரால் 12 மணிநேரத்தில் நன்றாக நீந்தும் அளவுக்கு அனைத்து வயதினருக்கும் நீச்சல் பயிற்சி வகுப்புகள் நடத்தப்படுகின்றன. காலாண்டுத் தேர்வு விடுமுறையை முன்னிட்டு சிறப்பு நீச்சல் பயிற்சி முகாம் நடைபெறவுள்ளது.

இந்த பயிற்சியில் சேர விரும்பும் நபர்கள் ரூ.1000 கட்டணம் செலுத்த வேண்டும். 12 நாள்களில் தினமும் 1 மணி நேர பயிற்சி வீதம் 12 மணி நேரப் பயிற்சியில் நன்றாக நீந்தும் அளவுக்கு பயிற்சி வழங்கப்பட்டு நிறைவு நாளில் பயிற்சியில் பங்கேற்ற அனைவருக்கும் அரசு சான்றிதழ்கள் வழங்கப்படும். இந்த பயிற்சியானது நாள்தோறும் காலை 7 மணி முதல் பகல் 12 மணி வரையும், பிற்பகல் 2 மணி முதல் மாலை 5 மணி வரையும் நடைபெறும்.

பெண்களுக்கு பெண் பயிற்சியாளரால் காலை 11 மணி முதல் பகல் 12 மணி வரை சிறப்பு பயிற்சி அளிக்கப்படும். மேலும், விவரங்களுக்கு 94866-30403 என்ற செல்லிடப்பேசி எண்ணில் நீச்சல் பயிற்றுநர் பிரேம்குமாரை தொடர்பு கொள்ளலாம் என்றார் அவர்.