அரசு அருங்காட்சியகத்தில் இன்று  பெண்களுக்கு கைவினைப் பயிற்சி

திருநெல்வேலி அரசு அருங்காட்சியகத்தில் பெண்களுக்கு கைவினைப் பொருள்கள் தயாரிக்கும் பயிற்சி முகாம் வியாழக்கிழமை (ஆக. 30) நடைபெறுகிறது.
இதுகுறித்து அரசு அருங்காட்சியக காப்பாட்சியர் சிவ. சத்தியவள்ளி வெளியிட்ட செய்திக்குறிப்பு: திருநெல்வேலி அரசு அருங்காட்சியகத்தில் வாரம் ஒருநாள் பெண்களுக்கு கைவினைப் பொருள்கள் தயாரிக்கும் பயிற்சி அளிக்கப்பட்டு வருகிறது.
தமிழகத்தில் 2019இல் ஜனவரி முதல் பிளாஸ்டிக் பொருள்கள் பயன்படுத்த அரசு தடை விதித்து உத்தரவிட்டுள்ளது. இதை நடைமுறைப்படுத்தும் வகையில் மாவட்ட நிர்வாகம் முனைப்புடன் செயல்பட்டு வருகிறது. பிளாஸ்டிக் பொருள்கள் பயன்பாட்டைத் தடுக்கும் வகையில் காகிதப் பொருள்களைப் பயன்படுத்தும் வகையில், பெண்களுக்கு காகிதத்தால் கைவினைப் பொருள்கள் தயாரிக்கும் பயிற்சி அளிக்க ஏற்பாடு செய்யப்பட்டுள்ளது.
வியாழக்கிழமை காலை 10 மணிக்கு இப்பயிற்சி அளிக்கப்படுகிறது. இதன் மூலம் பெண்கள் தங்களுக்குத் தேவையான பொருள்களை செய்வதுடன், அதிகளவில் உற்பத்தி செய்து வியாபாரமும் செய்யலாம்.  இதுகுறித்து விவரங்களை 908032 07862 என்ற செல்லிடப்பேசி, 0462 2561915 என்ற தொலைபேசி எண்ணில் தொடர்பு கொள்ளலாம் என்றார் அவர்.