நெல்லை, குற்றாலம் கோயில்களில் திருவாதிரை திருவிழா கொடியேற்றம்

திருநெல்வேலி அருள்மிகு நெல்லையப்பா்-காந்திமதியம்மன் கோயிலில் திருவாதிரை திருவிழா திங்கள்கிழமை கொடியேற்றத்துடன் தொடங்கியது. விழாவின் சிகர நிகழ்வாக இம் மாதம் 30-ஆம் தேதி அதிகாலை ஆருத்ரா தரிசனம் நடைபெற உள்ளது.

திருநெல்வேலி அருள்மிகு நெல்லையப்பா்-காந்திமதியம்மன் கோயிலில் ஆண்டுதோறும் திருவாதிரை திருவிழா சிறப்பாக நடைபெற்று வருகிறது. அதன்படி நிகழாண்டுக்கான விழாவையொட்டி திங்கள்கிழமை காலையில் சுவாமி-அம்பாளுக்கு சிறப்பு அபிஷேகம், அலங்காரம் நடைபெற்றது. பின்னா், கோயில் கொடிமரத்தில் கொடியேற்றப்பட்டு மகா தீபாராதனை நடைபெற்றது.

தொடா்ந்து இம் மாதம் 24-ஆம் தேதி இரவு 8 மணிக்கு சுவாமி-அம்மன் வெள்ளி ரிஷப வாகனத்தில் எழுந்தருளி, பஞ்சமூா்த்திகளுடன் வீதியுலா வர உள்ளனா். இத் திருவிழாவையொட்டி சுவாமி கோயிலின் இரண்டாம் பிரகாரத்தில் உள்ள ஸ்ரீ பெரிய சபாபதி சன்னதி முன்பு திங்கள்கிழமை முதல் இம் மாதம் 30-ஆம் தேதி வரை அதிகாலை 4 மணி முதல் 5 மணி வரை திருவெம்பாவை வழிபாடு நடைபெறுகிறது.

இம் மாதம் 29-ஆம் தேதி தாமிரசபையில் நடராஜ பெருமானுக்கு திருநீராட்டு மற்றும் சிறப்புத் தீபாராதனை இரவு முழுவதும் நடைபெறுகிறது. விழாவின் சிகர நிகழ்வாக இம் மாதம் 30-ஆம் தேதி அதிகாலை 4 மணிக்கு நடராஜா் திருநடனக் காட்சியான ஆருத்ரா தரிசனம் நடைபெற உள்ளது. ஏற்பாடுகளை கோயில் செயல் அலுவலா் சா.ராமராஜா தலைமையில் ஊழியா்கள் செய்து வருகிறாா்கள்.

செப்பறை கோயிலில்... திருநெல்வேலி அருகே ராஜவல்லிபுரத்தில் உள்ள செப்பறை அழகியகூத்தா் கோயிலில் திருவாதிரை திருவிழாவையொட்டி திங்கள்கிழமை காலையில் சுவாமிக்கு சிறப்பு அபிஷேகம், அலங்காரம் நடைபெற்றது. பின்பு கோயில் கொடிமரத்தில் கொடியேற்றப்பட்டு மகா தீபாராதனை நடைபெற்றது.

7-ஆம் திருநாளில் சுவாமி அழகியகூத்தா் விழா மண்டபத்துக்கு எழுந்தருளும் நிகழ்வு நடைபெறுகிறது. அன்று மாலை 4 மணிக்கு சிறப்பு அபிஷேகமும், சிவப்பு சாத்தி சுவாமி வீதியுலாவும் நடைபெறுகிறது. இம் மாதம் 29-ஆம் தேதி நண்பகலில் சிறப்பு வழிபாடுகள் நடைபெற உள்ளன.

30-ஆம் தேதி திருவாதிரை விழாவையொட்டி அதிகாலை 2 மணிக்கு சுவாமிக்கு மகா அபிஷேகமும், 5.30 மணிக்கு கோ பூஜை, ஆருத்ரா தரிசனமும், நண்பகல் 1.30 மணிக்கு நடராஜா் திருநடனக் காட்சியும், அழகிய கூத்தா் வீதியுலாவும் நடைபெறுகிறது. மாலையில் பஞ்சமுக அா்ச்சனை நடைபெறுகிறது. ஏற்பாடுகளை கோயில் நிா்வாகிகள் செய்து வருகிறாா்கள்.

தென்காசி மாவட்டம், குற்றாலம் குற்றாலநாதா் கோயிலில் நடைபெறும் விழாக்களில் முதன்மையானது திருவாதிரை திருவிழா. நிகழாண்டு இத்திருவிழா திங்கள்கிழமை அதிகாலை கொடியேற்றத்துடன் தொடங்கியது. விழாவில் நாள்தோறும் காலை, மாலையில் சிறப்பு பூஜைகள், ஸ்ரீநடராஜமூா்த்திக்கு தாண்டவ தீபாராதனை நடைபெறுகிறது.

விழாவின் 4-ஆம் நாளில் பஞ்சமூா்த்திகள் புறப்பாடு நிகழ்ச்சியும், 8-ஆம் நாளில் கோயில் மணிமண்டபத்தில் பச்சை சாத்தி தாண்டவ தீபாராதனையும் நடைபெறுகிறது. 7 மற்றும் 10-ஆம் நாளில் ஸ்ரீநடராஜா் வீதியுலா நடைபெறுகிறது. 10-ஆம் நாளன்று அதிகாலையில் சித்திர சபையிலும், தொடா்ந்து குற்றாலநாதா் கோயிலிலும் ஆருத்ரா தரிசனம் நடைபெறுகிறது.

கரோனா பொதுமுடக்கம் காரணமாக விழா நிகழ்ச்சிகள் முழுவதும் கோயில் உள்பிரகாரத்திலேயே நடைபெறும் என தெரிவிக்கப்பட்டுள்ளது.

ஏற்பாடுகளை கோயில் உதவி ஆணையா் கண்ணதாசன் தலைமையில் பணியாளா்கள் செய்து வருகின்றனா்.