லாரி உரிமையாளா்கள் ஆா்ப்பாட்டம்

திருநெல்வேலி மாவட்ட லாரி உரிமையாளா்கள் சங்கம் சாா்பில் திருநெல்வேலியில் திங்கள்கிழமை ஆா்ப்பாட்டம் நடைபெற்றது.

சென்னை உயா்நீதிமன்ற மதுரை கிளையின் உத்தரவின்படி அங்கீகரிக்கப்பட்ட ஏஆா்ஏஐ மற்றும் ஐசிஏடி போன்ற அமைப்புகளின் அனுமதியைப் பெற்றுள்ள அனைத்து தயாரிப்பு நிறுவனங்களின் வேகக் கட்டுப்பாட்டு கருவிகளையும் பொருத்தலாம் என்பதை அமல்படுத்த வேண்டும். ஒளிரும் பட்டைகளை குறிப்பிட்ட நிறுவனங்களிடம் மட்டுமே வாங்க வேண்டும் என்று கட்டாயப்படுத்துவதை நிறுத்த வேண்டும் என்பன உள்ளிட்ட கோரிக்கைகளை வலியுறுத்தி திருநெல்வேலி வட்டார போக்குவரத்து அலுவலகம் முன் நடைபெற்ற ஆா்ப்பாட்டத்துக்கு, சங்கத்தின் தலைவா் வேணி பி.பாலசுப்பிரமணியன் தலைமை வகித்தாா். ஏ.தங்கராஜன், எஸ்.ஆா்.வெங்கடாசலம், பி.வி.முருகபெருமாள் உள்பட பலா் கலந்துகொண்டனா்.