போலீஸாா், பொதுமக்கள் கலந்துரையாடல் கூட்டம்

திருநெல்வேலி அருகே கருங்குளத்தில் காவல்துறை சாா்பில் பொதுமக்கள் பங்கேற்ற கலந்துரையாடல் கூட்டம் வெள்ளிக்கிழமை நடைபெற்றது.

முன்னீா்பள்ளம் காவல் நிலைய எல்கைக்குள்பட்ட பகுதியில் குற்றச் செயல்களை தடுக்கும் வகையில் காவல் துறை சாா்பில்

அப்பகுதி ஊா் தலைவா்கள், பொதுமக்கள் பங்கேற்ற கலந்துரையாடல் கூட்டம் நடைபெற்றது. இக்கூட்டத்திற்கு மாவட்ட காவல் கண்காணிப்பாளா் நெ.மணிவண்ணன் தலைமை வகித்து பேசியது: தங்கள் பகுதியில் குற்றச்செயல்களை தடுக்க பொதுமக்கள் காவல்துறைக்கு ஒத்துழைக்க வேண்டும். அனைவரும் ஒற்றுமையாக இருப்பதுடன் குற்றங்களை தடுக்க வேண்டும். பெற்றோா் தங்கள் குழந்தைகளின் வருங்காலத்தை கருத்தில் கொண்டு அவா்களை நல்வழிப்படுத்த வேண்டும். குழந்தைகளை சாதி, மத, பேதமின்றி வளா்க்க வேண்டும். தங்களது குழந்தைகள் சிறப்பாக கல்வி கற்கவும், அவா்களின் வாழ்க்கை தரத்தை மேம்படுத்துவதற்கும் பெற்றோா் உறுதுணையாக இருக்க வேண்டும். பொதுமக்களின் நியாயமான கோரிக்கைகளை மாவட்ட காவல் துறை மூலம் அரசுக்கு எடுத்து சென்று தீா்வு காணப்படும் என்றாா் அவா்.

இதில், சேரன்மகாதேவி டிஎஸ்பி பாா்த்திபன், சமூக நீதி மற்றும் மனித உரிமைகள் பிரிவு துணை காவல் கண்காணிப்பாளா் ரகுபதி, முன்னீா்பள்ளம் காவல் ஆய்வாளா் சண்முகசுந்தரம், போலீஸாா் பங்கேற்றனா்.