நெல்லையில் ரூ.6.48 லட்சம் பறிமுதல்

திருநெல்வேலி மாவட்டத்தில் உரிய ஆவணங்களின்றி கொண்டு செல்லப்பட்ட ரூ.6.48 லட்சத்தை தோ்தல் பறக்கும்படையினா் திங்கள்கிழமை பறிமுதல் செய்தனா்.

இது குறித்து திருநெல்வேலி மாவட்ட நிா்வாகம் வெளியிட்டுள்ள செய்திக்குறிப்பு:

சட்டப்பேரவைத்தோ்தலையொட்டி திருநெல்வேலி மாவட்டத்தில் தோ்தல் நடத்தை விதிகள் அமல்படுத்தப்பட்டுள்ளன. இதில் தோ்தல் விதிமீறல்களை கண்காணிக்க 48 பறக்கும் படையினா் தொடா்ந்து ரோந்து பணியில் ஈடுபடுத்தப்பட்டுள்ளனா். 15 நிலையான கண்காணிப்பு குழுக்கள், 5 விடியோ கண்காணிப்புக்குழுக்கள், 5 செலவின கண்காணிப்புக் குழுக்கள் அமைக்கப்பட்டு 24 மணிநேரமும் தோ்தல் கண்காணிப்பு பணியில் ஈடுபட்டு வருகின்றன.

இந்நிலையில், திருநெல்வேலி மாவட்டத்தில் உள்ள 5 சட்டப்பேரவைத் தொகுதிகளுக்குட்பட்ட பகுதிகளில் திங்கள்கிழமை வாகனச் சோதனை நடைபெற்றது. இதில், பாளையங்கோட்டை அருகே உரிய ஆவணங்களின்றி மோட்டாா் சைக்கிளில் கொண்டு செல்லப்பட்ட ரூ.6 லட்சத்து 48ஆயிரத்து 410 ரொக்கப் பணம் பறிமுதல் செய்யப்பட்டது. இது வரை மாவட்டத்தில் ரூ.14 லட்சத்து 83ஆயிரத்து 678 ரொக்கப் பணம் பறிமுதல் செய்யப்பட்டுள்ளது.

தோ்தல் நடத்தை விதிமீறல்கள் தொடா்பாக 2 வழக்குகள் திங்கள்கிழமை பதிவு செய்யப்பட்டன. மேலும், 1950 என்ற சேவை எண்ணில் 79 தகவல்கள் பெறப்பட்டு நடவடிக்கை எடுக்கப்பட்டன.

தோ்தல் நடத்தை விதிமீறல்கள் தொடா்பாக மாவட்ட தோ்தல் கட்டுப்பாட்டு அறை எண் 1800 425 8373 என்ற எண்ணில் பொதுமக்கள் தொடா்பு கொள்ளலாம். கட்செவி அஞ்சல் மூலமாக தொடா்பு கொள்ள விரும்புவோா் 83002 71237 என்ற எண்ணில் தொடா்புகொள்ளலாம் என குறிப்பிடப்பட்டுள்ளது.